This page has been validated.
—¡Ikit, kunayo kad laengen a masakitak! —inyasog daydi
balasang a sikikigtot; —¡indak pagtugtugen iti piano ken pagdaniwen!
—¡Inkari ni amam!, ¿kayatmo a mabainan ni amam?
Ni María Clara timmakder, kinitana ni ikitna, tiniritirna dagiti nalibnos a taktakiagna, ket indayamudumna:
¡O! no addaanak la kuma . . .
Ngem dina natuloy ti saona, ket rinugyanna ti nagaruat.
