get ni apo Ibarra, tapno inkay itccl kenkuana saan la a ti
a masapol a pangiringpasna kadagiti makapaimbag iti
gakgakatna, no di pay ket inkay ilisi iti kasakbayan a
singaen ti uray siasinno ti katataona ken babaen ti uray
a pambar.
Ti Alkalde naawatanna ti pannakababalawna ket nagdumog a pinangilimmengna iti danagna.
—Ibagayo met ti kasta iti alperes nga adda ditoy, ket palutputenyo no pudno nga adda met parparnuayenna a saan a ikeddeng dagiti pagan-annurutan: saan a may may sa ti nangngeg ko nga asog maipapan iti daytoy.
Ni Kapitan Tiago nagparang a kasta unay a sikkilna.
—Don Santiago, — kinuna ni Ekselensia a si-aayat, —itay laeng a kinablaawankayo gapo iti gasatyo a nakayanak iti maysa a babai a kas ken balasang a de los Santos; ita, kabla-awankayo gapo iti manmanugangenyo: ti kasingpetan nga anak maikari unay nga agpayso iti kinaimbagna a makipagili ditoy Pilipinas ¿Mabalin nga amuen no kaanunto ti panagasawada?
—¡Apo! . . . —intanamitim ni Kapitan Tiago ket pinunasna ti linget nga agay-ayos iti mugingna.
—¡Ala, makitak nga awan pay ti natinong! No agkurang dagiti manganak, maragsakannakto unay a maysa kadakuada. jKayatko a punasen ti di unay nasayaat a pinataod kaniak da giti panagas-asawa nga innak inan-anak agpapan ita! —innayunna nga inturungna ti saona iti Alkalde.
—¡Wen, apo! —insungbat ni Kapitan Tiago, nga immisem iti nakakaasi.
Ni Ibarra istay nagtartaray a napan nangsapol ken Maria Clara: ado dagiti inna ibaga kenkuana ken saritaen. Adda nangngegna a naragsak a timtimek iti maysa kadagiti silsiled ket inin-inayadna a tinuktok ti ruangan.
—¿Asinno ti umayab? —sinaludsod ni Maria Clara.
—¡Siak!
Nagsardeng dagiti timtimek ket ti ruangan. . . saan a naglukat.
