This page has been validated.
Sink, mabalinko ti sumbrek?, —sinaludsod daydi bumaro, a
pusona ti agpitikpitik iti napigsa.
Ti ulimek nagtaginayon. Kalpasan ti sumagmamano a kanito adda immasideg iti ruangan a nakarting nga ad-addang ket ti naragsak a timek ni Sinang inyarasaasna iti abot ti tutulbekan:
—Crisostomo, inkam idiay pagbuyaan no rabii; isuratmo ti kayat mo nga ibaga ken Maria Clara.
Ket dagidi ad-addang immadayuda manen, sikakarting a kas idi ipapanda.
—¿Ania ti kayat a sawen ti kastoy? —indayamudom ni Ibar
ra a sipapanunot ket immadayo a nagin-inayad iti ruangan.
