Iti rabii, idi ta naseggedan aminen dagiti parparol kadagiti tawtawa, rimuar ti maikapat a libot a napakuyugan kadagiti ruprupikar ken dagiti di agkurang a palpaltog.
Ti Kapitan Jeneral, iso a napan nagpagnapagna a kinuyog da giti dua nga ayudante na, ni Kapitan Tiago, ti Alkalde, ti alperes ken ni Ibarra, a sinarunuda dagiti sibil ken dagiti agturturay nga agpalisi kadagiti tattao ken mangaramidda iti dalan da, naawis a mapan agpalabas iti libot iti balay ti gobernadorsilio, iso a nagpaaramid iti sangwanan ti balayna iti maysa a kubungkubong a pagyanan ti mangidaniw iti kabla-aw iti santo a patron.
Ni Ibarra kinayatna knma ti saan a napan nangdengngeg iti maibitla a daniw ket kinaykayatna kuma ti napan nagpalabas iti libot iti balay ni Kapitan Tiago, iso a nagbatian da Maria Clara ken dagiti gagayyemna, ngem ni Ekselensia kayatna a denggen ti daniw ket awan sabali a namuspusanna no di ti inna panangliwliwa iti nakemna iti innanto kenkuana pannakakita iti pagbuyaan.
Nairugi ti libot kadagiti siriales a pirak, a iniggaman ti tallo a sakristan a nakaguantes; simmaruno dagiti ububbing nga agad-adal a kinuyog ida ti mangisursuro; sa dagiti ububbing a nagiggem kadagiti parparol a papel a nadumaduma ti kita ken buyada, naiyungkayda iti kawayan, adda atiddag adda ababa, ket naramenan kas kinayat ti agiggem, ta daydi iso met ti bag! nga arayat dagiti ububbing a taga barbarrio. Sia-ayatda a mangtungpal iti daytoy nga annong, a ipabaklay kadakuada dagiti panglakaycn ti barrio; tunggal maysa makaammo pumanunot ken mangaramid iti parolna, ken mangpataraki kada giti ado a bitin-bitin kada parparaypay, kas ipalubos ti bulsana, sana silawan iti rungrong ti kandela, no adda gayyem wenno
kabagyanna a saksristan, wenno gumatang iti maysa a bassit
