a kandela a nalabaga a dagitay ar-aramaten dagiti in-insik kadagiti al-altar da.
Iti tengnga, addada nga agsublisubli dagiti alguasil, dagiti tenientes de justisia, a kumita tapno saan a mapugsat ti libot ken saan nga agdudurson dagiti tattao, ket iti kasta, adda baras da, a pagpalekda iti napigsa bassit, iso a mangted pay iti dayag ken raniag dagiti liblibot iti pakapasingpetan dagiti karkararua ken pakapadaegan dagiti ramrambak ti simbaan.
Ket no madama dagiti alguasil nga agibunong nga awan bayadna kadagiti makapasanto a babaot, addada met sabsabali nga agited nga awan met bayadna iti kandela a nadumaduma ti kadadakkel, a kasda pangliwliwa kadagiti mabaot.
—Apo Alkalde, —kinuna ni Ibarra iti nainayad, —¿maited dagita a babaot a dusa dagiti basbasol wenno gapo la ta iso ti kayat?
—¡Pudno ti sao yo, apo Ibarra! —insungbat ti Kapitan Jeneral a nangngegna ti saludsod; —dagita . . . naranggas a makitkita dillawen amin nga aggapo kadagiti sabsabali a dagdaga. Mainumo kuma a maiparitda.
Di ket ammo no ania ti gapona, ti immuna a santo a nag parang iso ni San J nan Bautista. No inna makita, makuna a saan unay a nasayaat ti damagna kadagiti tattao ti kasinsin ni Apo Tayo a Jesukristo; pudno ket di a dagiti saksaka ken butbutoyna kasda la saka ken butoy ti balasang ket ti rupana, rupa ti anarkota, ngem ti andasna, l^ayo a daan unayen, et sinipngetan dagiti sumagmamano nga ububbing a nagparol iti awan silawna, nga agkikinnulding iti awan makadkadlaw.
—¡Daksanggasat! —indayamudom ni pilosopo Tasio, iso nga adda iti lansangan nga agbuybuya iti libot; [awan man pateg ti panangngaasim iti immuna a nangipakdaar iti Baro a Damag, awan man pateg ti pamagtamed ni Apo Jesus iti saklangmo! jawan man pateg ti naindaklan a pammatim, ti kinasingpet mo, ti ipapatay mo gapo iti pudno ken gapo kadagiti nabileg a panpanunot mo! jamin dagitoy, lipaten metten dagiti tattao, no awan sabali nga adda kenka no di la ti bukod a kaikarian¡ Napatpateg ti dakes a panangasaba iti uneg dagiti simsimbaan ngem ti panag balin a nabileg a timek a umaw-awag iti nalawa a tay-ak, toy isuro
kenka ti Pilipinas. No kuman pabo ti sinidsidam a saan a dudon,
