no kuman nagaruatka iti seda a saan a lalat, no kuman nakikaduaka iti maysa a Gimong dagiti praile . . .
Ngem daydi lakay insardengna ti saona, ta umay ni San Francisco.
—¿Diak kuna itay? —intuluyna nga immisem iti nalais; — ni daytoy naikabi. iti karro ket !Santo Dios! jania a karro! jnagadon a silsilaw kada parparol a sarming! ¡kaano man saannaka a linawlaw ti kasta unay a lawag, Giovani Bernardone! jKet ania a musikan! jSabali nga aw-aweng ti inpangngeg dagiti annak mo kalpasan ti ipapatay mo! Ngcm, madaydayaw ken nanumo a namangon iti maysa a gimong, no agungarka ita, awanto ti sabali a makitam no di ni Elias de Cortona, a nagbalin a dakes, ket no mabigbigdaka pay dagiti annakmo, in daka ngata ipukok ket nalabit a mairamanka iti gasat ni Cesario de Speyer!
Iti likudan dagiti musiko, adda maysa nga estandarte a nakaipintaan daydi met la a santo, ngem nagpayyak iti pito, inig
gaman dagiti Ermanos Terseros, a nakaabito iti ginggon ket aglulualuda iti napigsa ken nakaay-ay-ay a timek.
Di ket ammo ti gapona, simmaruno ni Santa Maria Mag dalena, nakaliblibnos a ladawan a nagbuok iti napuskol, nag panio iti pinia a naburdaan a iniggaman dagiti ramramayna a napunno kadagiti singsingsing, ket naaruatan iti seda a napattupattukan iti balitok. Silaw ken insienso ti nanglawlaw kenkuana; makita dagiti luluana a sarming a paganninawan dagiti luses de Bengala, isuda a mangted iti libot iti nakaim-imnas a buyana, ket iso ti gapona a daydi santa a managbasol pasaray balbag, kdmpy. Dagiti balbalay saan da a seggedan dagiti silsilaw da inggana iti saan a lumabas ni San Francisco; ni San Juan Bautista saan nga aglak-am iti kasdi a pannakapadayaw, ket kasta unay a pardasna a lumabas, ta mabain ngata nga isiso la ket ti nakaaruaten iti lalat iti yan dagiti nabungon kadagiti balbalitok ken napateg a batbato.
—¡Iso daydiay ti santa mi! —kunkuna ti anak ti gobernadorsilio kadagiti sangsangailida; —inpabuludko kenkuana dagiti singsingko, tapno innak magun-od ti langit.
Dagiti makilibot nagsardengda iti lawlaw ti napatakder nga
abong-abong, ta inda dumngeg, kasta met dagiti sasanto; isuda
