wenno dagiti agbaklay wenno mangguyod kadakuada kayatda
met ti dumngeg iti daniw. Dagiti nagbaklay ken San Juan, ta
nabannugda nga agur-urayen, nagtugawda a nagpasungad ket nagnunumuanda nga idisso ti santo.
—Ania ta agunget ti alguasil, —kinuna ti maysa.
-¡Jes! jidiay sakristia, ikabilda iti maysa a suli, iti yan dagiti lawwalawwa! . . .
Ket ni San Juan, idi naidisson iti daga, nagbalinen a kas la maysa a tao a taga ili.
Manipod ken Santa Magdalena iso ti yan dagiti babbai, isuna la nga idinto ta umun-una kuma dagiti ububbing, a kas kadagiti lallaki, immuna dagiti babbaket, sa dagiti babbalasang, isuda a nangkalob iti libot inggana iti yan ti karro ni Apo Santa Maria, nga iti likudan na iso ti yan ti kura a napayungan iti palio. Toy a kadawyan, naan-annurot nanipod idi ni pay la Padre Damaso ti kura iso a nagkuna: Ni Apo Santa Maria adadda a baay-ayuna dagiti babbalasang ngem dagiti babbabet,” iso a mamagrupanget kadagiti ado a babbaket a mananglualo nupay dina met baliwan ti kayat ni Apo Santa Maria.
Ni San Diego iso ti simmaruno ken Santa Magdalena, nu pay kas la di maragsakan iti kasdi, ta silaladingit pay met laeng ti rupana a kas iti bigat, idi nagyan iti likudan ni San Fran cisco. Ti karrona ginuyod ti innem a ermana terseras a gapo iti di ammo no ania a kari wenno sakit: ngem ket di agguyudda, ket kasta unay a panangipeksada. Ni San Diego nagsardeng iti sango ti abong-abong ket ur-urayenna nga inda kablaawan.
Ngem masapol a urayen ti karro ni Apo Santa Maria a naisaruno kadagiti ado a tattao a nakaaruat iti sinan araria, iso a mamagbuteng kadagiti ububbing, iso ti gapona nga adda mangngeg a sangit ken ikkis dagiti awanan annad a ububbing. Nupay kasta, iti let-ang daydi nasipnget a gunglo dagiti ababito, kumkumot, barkarikes ken panpandong, iti yuyeng ti aweng ti makauma ken baet a lualo, addada makita a kas la puraw a jasmin, kas la nasantak a sampaga iti baet dagiti daan
a rigrigis, a sangapulo ket dua nga ububbing a babbai, naaruatanda iti puraw, nabalangatanda kadagiti sabsabong, napakulot dagiti bubuokda, nakaranraniag dagiti matmatada a kaskadagiti uk-ukkor da; kas da man gameng ni lawag a binalod
