¿Sapay met a siririkep dagiti tawtawa ti balay ti alperes?
¿adinno aya ti yan da, idi lumabas ti libot, ti rupana a rupa
ti lalaki ken ti badona a pranela ti Medusa wenno Musa ti Guar
dia Sibil? ¿Naawatan ngata ni dunia Consolacion a makaited
rurod ti mugingna a nabaledbedan kadagiti dadakkel a ururat, isuda a kas la pagayusan ti saan a dara no di ket suka ken
apro, ti dakkel a tabakona, maikari a ramen dagiti nalitem a
bibbibigna, ken ti na-apal a panagkitkitana, ket, gapo iti ayat
na met, dina kinayat a siningsinga dagiti ragragsak dagiti tattao, babaen ti inna panangiparang iti nakabutbuteng a langana?
¡Ay! jkenkuana. dagiti naimbag a kabkababalin sada la adda idi un-unana a tawen a naganenda iti Tawen a Balitok!
Ti balay, naliday, ta iti ili naragsak, kas kuna ni Sinang; awan parol, awan wagaywayna. No saan kuma nga agpagnapagna ti sentinela iti sango ti ruangan, makuna kuma nga awan agyan iti daydi a balay.
Maysa a silaw a nakapoy ti manglawag iti nakuso-kusso a sa'as ken mangipa-anninaw kadagiti narugit a kulkulintipay da giti tawtawa a binalayan dagiti lawwalawwa ket napunnuda iti tapok. Daydi siniura, kas kadawyanna a saksaklutenna dagiti imimana, adda nga agsusugel iti maysa a dakkel a tugaw. Nakaaruat iti kas ti patinayon nga aldaw, nalawlawag a pannao, dakes ket naka-ar-ariek: ti tinggolna saan a sabali no di maysa a panio a naibedbed iti ulona, iso a pagrungarungan ti bassit ken ababbaba a buok a nakulkol; bado a pranela a balbag, a naisukot iti maysa a nalabit puraw ti gagangayna, ken maysa a pandiling a nagusaw a pakailamma-an dagiti nakuttong ken leppap a lupluppona, nga in na pinagsikkawil ken pagtigtigergeren iti napalalo. Iti ngiwatna adda agruar nga asok a ipugsuna a makarurrurod iti tangatang a kitaenna no kasta nga ibukiradna dagiti matmatana
No iti
