—jLakay unay, saan! a ngem dakay met ti kura ditoy!—
insungbat ni Fr. Damaso, nga awan pay as-asina, ngem dina
met inibbatan ti tugaw.
—jGapo ta ibilinyo, agtungpalak! —intuloy ni Padre Sibyla
nga agtugaw kuman.
—jSaan ko nga ibilin, —inriri ti pransiskano, saanko nga
ibilin!
Agtugaw kuman ni Fr. Sibyla, a di na ket ibibiangen dagiti
sasao daydi pransiskano, idi ta nagsinnarak dagiti mat-mata da
iti teniente. Ti kangatuan a turayen ti soldado, kas panangipapan
dagiti praile sadi Pilipinas nababbaba nga adayo ngem ti paditddog (lego) nga aglutluto. Cedant arma togae, kinuna ni Cicerbn iti Senado: Cedant arma cottoe, kuna dagiti praile sadi Pili
pinas. Ngem ni Fr. Sibyla, tao a nalinis, ket kinunana:
—Apo Teniente, ditoy, addatayo iti let-ang ti lubong, ket saan
a iti uneg ti Simbaan; dakay ti akinkarbengan itoy a tugaw.
Ngem no imutektekan ti aweng ti timekna, uray pay iti
let-ang ti lubong, iso ti akinkarbengan, ti teniente, gapo ngata
ta dina kayat ti umakaren, wen ket dino dina kayat ti agtugaw
a pagbaetan ti dua a praile, nagmadi iti ababa a sao.
Awan man la kadagiti agsalisal ti nakalagip iti akinbalay.
Ni Ibarra nakltana nga agbuybuya a siraragsak ken si-isem.
—dApay, don Santiago! dida kam kasango a mangan?
Ngem amin dagidi tugtugaw natugawanda metten: ni Luculo saan a mangan iti balay da.
—jAgtalnakayo! dikay tumaktakder! —kinuna ni Kapitan Tiago nga inpatayna ti ima iti abaga ti bumaro. — Toy a padaya nairanta a pagyaman ken Apo Birjen gapo iti idadatengyo. jOy! yegyo ti tinola! Nagpalutoak iti tinola gapo kadakayo, ta nabayag ngata a dikay nakaramanen.
Nangiserrekda iti dakkel a malukong a umas-asok. Daydi dominiko, kalpasan ti panangdayamudomna iti Benedicite, a nganngani awan nakaammo a nangsungbat, rinugyanna nga inwaras ti nagyan. Ngem di ammo no gapo iti kurang ti annad wenno ania, naipatang ken Padre Damaso ti pinggan a yan ti ado. a tabungaw ken digo a paglanglanguyan ti maysa a tengnged nga awan lasagna ken maysa a natangken a payak ti manok, idinto ta dagiti dadduma nabagida dagiti lupluppo ken barbarukong, nangruna ngad langen ni Ibarra, a nakaipatangan ti dalem, puso ken
-19-
