—Consola, ania ti pangnagan mo iti p... a daga mon?
—¿Ania pay met ti pangnagan ko? Kas ti insurom kaniak: !Felifenas!
— !Ipalapalko kenka daytoy tugaw p... 1 idi kalman, nasaysayaat bassiten ti panangbalikasmo, kabaruanan; !ngem ita, baliksem iti kada-anan! Feli, kunak, Filipinas!
—!Kitaem ta saanak a lumakay! ania ti pangipagarupam?
—A wan ania man! Filipinas, kunam!
Madiak! Saanak a baket... apaman la ta agtawenak iti tallo pulo!—insungbatna ket nanglislis a kas la itay agsagana a makipengnget.
Kunam, rep...,! wenno ibakalko kenka daytoy tugaw! Ni Consolacion nakitana ti garaw ni asawana, nagpanunot ket tinanimitimna a immanges iti napigsa.
—Feli... Fele... File...
!Pum! !krrrakk! ti tugaw iso ti nangituloy iti sao.
Ket ti panangisuro nagpatingga iti sulong, karamot, disnog. Daydi kabo iniggamanna ti buok ti babai, toy pinetpetanna ti iming ti lalaki ken sabali pay a kameng ti bagina, — dina mabalin ti kumagat, ta amin dagiti ngipngipenna aglualida met, — daydi kabo nagikkis, inibbatanna ti babai, nagpakawan, adda dara a rimuar, adda mata a nalablabbaga ngem ti maysa, adda bado a napigispigis, ado dagiti kamkameng a nagruar kadagiti naglemlemmenganda, ngem ni Filipinas saan a rimuar.
Kasta dagiti maar-aramid tunggal masanguda ti pagsasao. Daydi kabo a makitana ti ya-ado ti ammo ni asawana maipapan iti pagsasao, pattapattaenna a silaladingit a iti bayat ti sangapulo a tawen, ni asawana inna maminpinsan a malipatanen ti agsao. Ket pudno, kasta ti naaramid. Idi nagasawada, ti babai ammuna pay met la ti sao ti tagalog ket maawatan met ti sao ti kastila na, itan, iti kanito toy a sarita. awan masaunan a pagsasao: napalaluanna ti ayatna iti pagsasao dagiti gargaraw, ket kadagitoy, ti pilienna isuda dagitay kariringguran ken kapipigsaan, ta awan pangipirpiritanna iti nakinputar iti Volapuk.
Ni Sisa, ngarod, naigasatanna a saanna a naawatan. Nawarwar bassit ti kuribetbet dagiti kidkidayna, maysa nga isem ti makaav-ayat ti nangraniag iti rupana: awan duadua, iso saanna
nga ammon ti sao ti tagalog: orofea ngaminen.
