Page:Dinak-Sagiden-Noli-Me-Tangere-Iti-Iloko-IV-ni-Jose-Rizal-N719i.pdf/323

-Asistente, ibagam iti daytoy iti sao ti tagalog, nga agkanta! !Dinak maawatan, saanna nga ammo ti sao ti kastila!

Daydi agmauyong naawatanna ti asistente ket kinantana ti Daniw ti Rabii.

Idi damona, ni dunia Consolación inna dinengngeg nga ag katkatawa iti pangrabrabak, ngem ti katawa nain-inot a pimmanaw kadagiti bibbibigna, inpasnekna, idi kuan, nagtalna ket nagpanunot bassit. Ti timek, ti bagas ti daniw, ken ti pay ayog sim nekda kenkuana: daydi puso a natikag ken napaagan nalabit ngata a mawaw iti rudo. Iso inna maawatan a naimbag;

"Da tarumpingay ken ladingit,

da sagneb, lamiis ken lamek

bumabada nga aggapo sadi langit

a dalungdungan ti rabii a nasipnget,"

Kas kuna ti kundiman, ipagarupra a bumaba met ti pusona;

"Ti sabong a naliday ken nalaylay

a ngayedna ti inpabuyana iti aldaw,

sitatarigagay a maidaydayaw,

iti pasindayag naglablabesan,

"No dumanunen ti malem piman,

agbabawi iti inna pannaka-allilaw,

kaka-asi a mangipampamuspusan

tapno sadi langit makatangad pay.

"Gumawgawawa iti sipnget a inna paglingdan

tapno matay a di pagang-añgawan

ti lawag a nakakita, nakaimatang

iti napalalo a tangsit ken kinaubbaw.

"Kayatna kuma, no mabalin pay,

ti damawat iti bassit a linna-aw

a mangsangit kenkuaaa a pumusay,

a kabbuyutan da liday ken tarumpingay.

"Ti mangrabrabii a tumaytayab

panawanna ti umokna nga agwaywayas,

lukong ti daan a kayo, ingget tayag,

inna singaen ti liday ti bakir a datdatlag..."— 310 —