—!Aja! Imangrugikan aya!—kinunana a nakaragsak iti kas la ragsak ti ayop a narungsot, kct ti lento nagbalin nga allegro vivace.
Daydi awanan gasat imkis iti sakit ket inngatuna a dinardaras ti sakana.
—!Agsalaka, p... india!—kinuna ti siniura ket ti pagbaot immaweng kct nagsagawisiw.
Ni Sisa napatugaw ket inyaprusna dagiti dua nga im-imana kadagiti saksakana kct inna kinita daydi manutuok kenkuana kadagiti matmatana a kas la limmusot kadagiti ab-abot da. Dua a baot a napigsa ti nagdisso iti bukotna ti namatakder kenkuana; saanen nga asog, dua nga ung-ungor ti naibbatan daydi awanan gasat, Napigis ti naingpis a badona, nabtak ti kudilna, ket pimsuak ti dara.
Ti pannakakitana iti data arunanna ti rungsot ti tigre; ti dara ti tutuukenna pinaray-una ni dunia Consolacion.
—!Agsalaka, agsalaka, nagunggan, sinal-it! !U... ni inam! — yik-ikkisna;—lagsalaka, wenno papatayenka iti baot!
Ket iso met langen iniggamanna iti maysa nga imana ket iti maysa inna babauten, rinugyanna ti naglagto ken nagsala.
Ti agmauyong, iti kamaudiananna, naawatanna met laeng ket intuluyna a pinagkutikuti, a ti la adda, dagiti taktakiagna. Maysa nga isem ti makaay-ayat ti nagparang kadagiti bibbibig ti maestra, maysa nga isem ni Mcpistopeles a babai a makagun-od iti maysa a nalaing nga adalan; adda gura, lais, rabak ken ranggas iti daydi nga isem: saan kuma nga adadda ti naisawang ti maysa a garakgak.
Ket iti pannakapamayengna a nangnannanam iti buybuyaenna. saanna a nadlaw ti sangpet ni asawana inggana iti naglukat a kasta unay ringgor ti ruangan a naiduron iti maysa a kugtar.
Nagparang ti alperes, a sibebessag ken sililiday; nakitana ti ma-aramid sadiay ket kinitana iti nakakigkigtot ti asawana. Toy saan a naggaraw ket kinitana iti yanna, ket immisem iti awanan bain.
Ti alperes inpatayna ti imana, iti ingga ti nabalinanna a kinasam it, iti abaga daydi di marmarna nga agsalsala ket pinagsardengna. Ti agmauyong immanges ket nangin-inot a nagtugaw
iti datar, a natedtedan iti darana.
