Nagtuloy ti ulimek: ti alpercs napigsa ti panagangcsna; daydi babai a mangpalpali-iw kcnkuana, a matana ti siuunton, innalana ti pagbaot kct sinaludsudna, a timekna ti sitatalna ken sibabannayat:
— ?Ania ti makuam? !Dinak pay kinabla-awan iti naimbag a rabii!
Ti alpcres saanna a sinungbatan, ket inayabanna ti asistente.
—Alaem daytoy a babai,—kinunana;—ibagam ken Marta nga ikkanna iti sabali a bado ket agasanna. Pakanemto a naimbag, ikkam iti nasayaat a pagiddaan... lannadam no dakes la ti pannakataripatona! !Inton bigat maipanto idiay balay ni apo Ibarra!
Sana inrikep a si-aannad ti ruangan, tinulbekanna, ket imma sideg iti asawana.
—!Sika, a ket sapsapulem a tumtumkenka!—kinunana ken kuana a pinetpetanna dagiti im-imana.
—?Ania ti makuam?—sinaludsod daydi babai, a timmakder ket simmanod.
—?Ania ti makuak?—inpukkawna a kas la gurruod iti kapigsa ket nangibbet iti maysa a tabba-aw, sana inpakita kenkuana ti maysa a papel a napunno iti surat a kas la kinaraykay ti manok, ket intuluyna:
¿Saanmo nga aramid toy a surat a inawat ti Alkaldc, surat a kunana a mabayadannak tapno maipalubos ti sugal, so p... ? !Diak ammo no ania pay la ti diak pangtumtumkan kenka!
—!Ala man, ala man, no maituredmo!—kinuna daydi babai, a nagkatawa iti nalais;—iti mangtumtumek kaniak, maysa a ma-lalaki nga adayo ngem sika!
Ti alperes nangngegna daydi dakes a sao, ngem nakitana met ti pagbaot. Nangala iti maysa a pinggan kadagiti adda iti rabaw ti lamissan ket inbatuna iti ulo ni asawana; toy, ta naruamen ka dagiti kakasta a pcngpengnget, nagrukob a sikakarting, ket ti pinggan naiburak iti diding; kasta met ti naipagasat ti maysa a malukong ken ti maysa nga imuko.
—!Takrot!—inpukkaw ti babai,—dimo maitured ti umasideg.
Ket inna tinupraan tapno adadda a makaunget. Daydi lalaki nagsipnget ti pagkitaanna ket nagtaray nga agung-ungor a napan
manggammat kenkuana, ngem ti babai, a pardas na ti nakaskasdaaw, inna pinagga-allabat dagiti babaot iti rupa ti lalaki, sa nag-
