taray a kasta unay daras, ket napan naglemmeng iti siledna a ti
ruanganna inna rinipkan iti napigsa unay. Kinamat ti alperes
nga agung-ungor iti pungtot ken sakit, ngem isuna la a nagunudna ti pannakaidungparna iti ruangan, iso a namagsarua kenkuana iti ado a
tabba-aw.
—!Lunod kadagiti putputot mo, baboy! Luktam, p... p. . .
!Luktam, tano saan, tumtumkek ta ulom!—kunkunana nga inna danugdanugen ken kugtakugtaran ti rikep ti ruangan.
Ni dunia Consolation saan a simmungbat. Adda nangngeg a ringgor dagiti tugtugaw ken babaul, a kas la mabunbunton tapno agbalinda a saripda. Ti balay magunggon iti kugkugtar ken tabtabba-aw dagiti lallaki.
—!Saanka a sumbrek, saanka a sumbrek!-—kunkuna ti naalsem a timek ti babai;—no itammidawmo ta rupam, paltuganka.
Daydi lalaki kas la nagtalna a nain-inot kct nagpagnapagna iti murdong ken murdong ti salas a kas la ayop a narungsot iti uneg ti tangkalna.
—!Inka a dita lansangan ta palami-isam ta ulom!—kunkuna
nga aglala-aw daydi babai, a kasla nalpasen ti panagsaganana a
sumaranget.
—Isapatak a no matiliwka, awan makakita kenka uray pay ti Dios, Iso kotsina, p...!
—!Wen, mabalinmo la a sawen ti amin a kayat mo... !nadika itay a innak makimisa! Idimo inpalubos a sungputek ti annong ko iti Dios!—kunkuna a silalais ti babai iti daydi pamayanna nga awan makatulad.
Ti alperes innalana ti kapasetena, tinarimaanna bassit ti aruat na ket pimmanaw a kasta unay kadadakkel dagiti ak-aksawna, ngem kalpasan ti sumagmamano a kanito, nagsubli a kasta unay inayadna: inikkatna dagiti botasna. Dagiti babaunen ta naruamdan kadagitoy a mabuybuya, pasarayda makarurod, ngem ti baro a pamayan ti alperes a panangikatna kadagiti botasna, inawisna ti imatangda, ket nagkikinnigmatda.
Nagtugaw ti alperes iti maysa a palangka, iti abay ti dakkel a ruangan, kct naanusanna ti nagur-uray iti nasurok a kagudua
ti maysa nga uras.
