Maikasangapulo ngata ti uras ti rabiin. Dagiti maudi a kukuitis agsasadutda a ngumato iti nasipngct a langit a pagraniagan,
kas babbaro a bitbitucn, dagiti gloglobo a papel, a nabiit pay a
nakangato yaman pay iti asok ken iti angin a napupudot. Dagiti
dadduma a naik ikkan iti fuegos artificiales, nauramda ket amcsandn a puuran amin dagiti balbalay; iso ti gapona nga addada
pay la makita a lallaki kadagiti parparsa, nakaiggemda iti atiddog
a kawayan nga adda rigis iti murdongna ken tawing wenno
bayengyeng a yan ti danom. Dagiti nangisit nga an-anniniwanda napatakda a makita iti naalibuyong a lawag ti tangatang, ket
kas da la ar-araria a naggapo sadi ngato nga mapan agbuya kadagiti
ragragsak dagiti tattao. —Aduda met dagiti naseggedan a rurueda,
kaskastilio, sinantoro wenno sinannuang nga apoy ken maysa a
dakkel a surak (bulkan), iso a nangatiw iti kinataraki ken kinasayaat kadagiti amin a nabuybuya dagiti agindeg sadi San Diego
agpapan idi.
Ita, agturong dagiti tattao iti plasa ti ili, ta inda kitaen ti maudi a maipabuya. Ditoy ken sadiay, addada makita a luses de Bengala. a mangraniag iti nakasaysayaat kadagiti naragsak a gunggunglo; dagiti ububbing a lallaki silsilawanda ti agsapol iti karuutan kadagiti palpaltog a saan a nagbettak ken sabsabali pay a mabalin pay la nga aramaten, ngem dagiti musiko mangrugida nga agtugtugen ket isuda amin panawanda ti karuutan.
Ti naindaklan a pagbuyaan nakapalpalalo ti pannakasilawna: rinibo a silsilaw ti naipalawlaw iti pantokna, agbibitinda iti atepna ken naiwaraswarasda a nagunglogunglo iti daga. Maysa nga alguasil ti mangkitkita kadakuada, ket no daytay inna ida tarimaanen, dagiti tattao inda sagawisiwan ken ikkisan iti: “!Addaytan, addaytan!”
Iti sango ti pagyanan dagiti agipabuya, dagiti orkesta sansanayenda dagiti instrmnento da. mangirugrugida iti tugtog; iti liku-
