ket nagtugaw iti abay na. Ti laeng kakaisuna a nagsao iso ni
Sinang.
—?Napanmo kinita ti surak (bulkan)?—sinaludsudna.
—Saan, gayyemko, kinuyugko ti Kapitan Jeneral.
—!Ay, ilala pay! Ti kura immay nakikuyog kadakami, ket inna kam sinarsaritaan kadagiti kabibiag dagiti mainpierno; ?pa tient? innakam ket binutbutengen tapno saan kam nga agragsak,?patiem?
Ti kura timmakder ket immasideg ken don Filipo, iso a kasna kinasusik iti nabiag. Ti kura napardas ti panagsaona, ni don Filipo napakurang ket nainayad.
—Ladingilek ti saanko a pannakabalin a mangaramid iti kayat yo, Reberensia,—kinuna toy;—ni apo Ibarra, maysa kada giti kaaduan ti inyarayat ket adda kalinteganna nga agyan ditoy. no dina la ket riribuken ti urnos ken talna.
—?Ngem saan a panangriribok iti urnos ken talna ti panangriri kadagiti naimbag a kristiano? !Ti kasta kaibatuganna ti panangipalubos a sumbrek ti lobo iti yan dagiti tartaraken! !Sungbatamto dayta iti saklang ti Dios ken dagiti agturturay!
—Siak ti kanayon nga agsungbat kadagiti ar-aramid nga agtaod iti bukod ko a pakinakem, padre,—insungbat ni don Filipo, a nagtamed iti apagapaman; —ngem ti sangkabassit a turay ko saannak a palugudan a makilaok kadagiti banbanag a maipapan iti Relijion. Dagiti mayat a mangliklik iti dennana, saan da a makisasao kenkuana: ni apo Ibarra saan met a mamilit iti uray siasinno man.
—!Ngem ti kasta, maysa a panangipalugod iti peggad, ket ti agayat iti peggad, mapukaw iti peggad!
—Awan makitak a peggad, padre; ti apo Alkalde ken ti Kapitan Jeneral, isuda nga agturay ko, nakisasauda kenkuana itay malem, ket saan ko a rebbeng a isuro ida.
—No dika pagtalawen ditoy, dakam ti pumanaw.
—Ladingitekto unay, ngem saan ko a mabalin a pagtalawen ditoy ti uray siasinno man.
Ti kura nagbabawi, ngem awanen pamuspusan. Pinatulduanna ti kaduana, iso a timmakder, nupay madi kuma, ket nagtalawda a dua. Tinulad ida dagiti tattao a nadekket kadakuada,
ngem immuna pay la nga inda kinita ni Ibarra iti naapas.
