Dagiti tantanawtaw kada ar-arasaas limmaluda: iso ti adadda
nga immasidcg ken nangkabla-aw iti daydi bumaro ket kunkunada:
—Addakam iti abayyo; dikay ibibiang dagidiay!
—?Asinno a dagidiay?—sinaludsudna a sisisiddaaw.
— !Dagitay timmalaw tapno maliklikanda ti dennayo!
—?Tapno maliklikandak? itapno maliklikandak?
—!Wen! kunada nga eskomulgado kayo
Ni Ibarra, a nasdaawan, dina ammo ti inna insungbat, kct kimmita ili lawlawna. Nakitana ni Maria Clara, iso a nangabbong iti rupana iti paypayna.
—?Ngem, mabalin? —kinunana idi agangay; —?daddatay pay la kadagidi un-unana a tawtawen? daydi kunada nga Edad Media? No kasta a ket...
Ket immasidcg kadagiti babbalasang, a insabalina ti timck na ket,
—Pakawanendak,—kinunana;—adda nalipatak a mangur-uray kaniak; agsubliakto nga umay manguyog kadakayo.
—!Agbatika!—kinuna ni Sinang;—agsala ni Yeyeng iti “Calandria”-, nalaing a sumala.
—Diak mabalin, gayyemko unay, ngem agsubliakto.
Rimmaba dagiti tantanawtaw.
Idi ta ni Yeyeng rumuar a nakaaruat iti chula ket kunkunana ti “Da uste su permiso?" ket ni Carvajal isungsungbatna ti “Pase uste adelante” kdmpy., adda dua a sibil a immasideg ken don Filipo, a dinawatda a maisardeng ti buyaen.
—?Ket, apay?—sinaludsod toy a nasdaawan.
—Gapo ta ti alperes ken ti siniura nagpengngetda ket saan da a makaturog.
—Ibagayo iti alperes nga adda palubos kadakami ti Alkalde Mayor, ket awan, way siasinno ditoy a ili ti makabalin a mangkanniwas iti bilinna, uray pay ti gobernadorsilio, nga is-iso laeng ti agturay ko.
—!Wen, ngem masapol a maisardeng!—inulit dagiti sosoldado.
Ni don Filipo inna ida linikudan. Dagiti sibil pimmanawda.
Tapno saan a mariribok ti talna, ni don Filipo awan nangibagbaga-anna iti daydi a naaramid.
Kalpasan ti paset ti sarsuela, a naidayaw unay, rimuar ni
Prinsipe Viliardo a kumarkarit iti bakal kadagiti amin a moro
