a nangayaw ken amana; daydi aglallaki inna am-amesan ida a
putulan dagiti ul-ulo da isuda amin, iti maysa a tagbat, sana ida
ipuruak iti bulan. Naimbag a gasat dagiti moro, isuda nga agsagsagana met a makirupaken a matugtugan iti imno ni Riego,
ta adda rimsua a kibor. Dagiti orkestra nagsardengda a kellaat
ket inulida ti pagbuyaan, a inbatuda amin a instrumento da. Ni
maingel a Viliardo iso a dina ida ur-urayen, inpagarupna a kabadangan ida dagiti moro, ket inna met inbaton ti espada ken ti
kalasagna ket nagtaray metten; dagiti moro, idi makitada a daydi
nakakigkigtot a kristiano agtaray, tinuladda met: adda nangngeg
a ikkis, asog, unget ken tabba-aw, dagiti tattao agtatarayda, agdidinnurunda, maiddep dagiti silsilaw, tumaytayok dagiti basbaso a
pagsilawan, kdmpy.,—! Tulisan! jtulisan! ipukpukkaw dagiti dadduma,—!Apoy! lapoy! !birkog! adda met agkuna; dagiti babbai
ken dagiti ububbing agsasangitda, matulidtulidda iti daga dagiti
bangbangko ken dagiti agbuya iti let-ang ti kasta unay a kibor,
riaw ken gulo.
—?Ania ti naaramid?
Dua a sibil, a nakaiggem iti pang-or, kinamatda dagiti musiko tapno maisardeng ti buyaen; ti teniente mayor ken dagiti kuadriliero, a nakaiggem kadagiti daan a sabsableda, tiniliwda ida. nupay napalalo ti isusukirda.
—!Ipanyo ida iti tribunal!—inpukkaw ni don Filipo,—!annadanyo no mapalusutanyo ida!
Ni Ibarra nagsubli ket inna sinapol da Maria Clara. Dagidi napabuteng a babbalasang kimpetda kenkuana nga agtigtigerger ken sibebessag; ni ikit Isabel lulualuenna ti letania a sao ti latin.
Idi napalabas bassit ti kigtot dagiti tattao ket idi ta naibaga ti puon daydi, nakapungtutda amin. Nagtudo ti batbato iti yan dagiti kuadriliero a mangitulnog kadagidi dua a sibil; adda pay nangibaga nga inda puuran ti kuartel ket tunuenda ni dunia Consolacion agraman ti alperes.
—!Iso dayta ti pagpaayan da! —ipukpukkaw ti maysa a babai a nanglislis ket inna ingatungato dagiti taktakiagna; —!umayda kiburen ti ili! !Awan tiliwenda no di dagiti natakneng a tattao! jAddada dita dagiti tutulisan kada mannugal! !Puurantay ti
kuartel!
