Adda maysa a mangap-apros iti takiagna ket dumawdawat iti konpesion; timek a makasangsangit ti mangngcg nga aggapo iti babacn dagidi natuang a bangbangko: maysa a nakakaasi a musiko. Ti pagbuyaan napunno kadagiti artista ken tattao, nga aggiggiddanda amin nga agsao. Addada sadiay da Chananay a nakaaruat iti Leonor iti “Trovador", a makisasao iti sao ti kastila a dakes ken Ratia, a nakaaruat met iti sinan maestro ti pagadalan; ni Yeyeng a nakakagay iti paniolon a seda, a kaduana ni Prinsipe Viliardo; ni Balbino ken dagiti moro a kakaasida a mangliwliwa kadagiti mnsiko, nga adda kadakuada nagagaraan, adda met la saan. Addada met sumagmamano a kakastila nga agapan-apan ken mangsasao kadagiti amin a inda masarakan.
Ngem idin ta adda nabukel a maysa a gunglo. Ni don Filipo naammuanna ti gandatda ket nagtaray a napan nanganawa kadakuada.
—!Dikay riribuken ti urnos! —ipukpukkawna; —jinton bigat dawaten tayto ti pannakaibales toy a naaramid, itdendanto ti kalintegan tayo; siak ti agsungbat kadakayo nga indanto ited ti kalintegan tayo!
—!Saan! —insungbat dagiti dadduma;—kasta man ti inaramid dan sadi Kalamba, (1) kasta met ti inkari da, ngem ti Alkalde awan met inaramidna! !Kayatmi a dakam ti mangipakat iti linteg! !Intay iti kuartel!
Nagbanbannog la ti teniente mayor a nangsasao kadakuada; daydi gunglo saan a namalbaliw ti gandatna. Ni don Filipo kimmita iti lawlawna nga agsapsapol iti tulong, ket nakitana ni Ibarra.
—!Apo Ibarra, ipaayyo nga ayat! — jtipdenyo ida, ta innak agsapol iti kuadriliero!
—?Ania kad ti mabalin ko nga aramiden? —sinaludsod daydi bumaro, a dina ammo ti kukuenna, ngem ti teniente mayor nakaadayon.
Ni Ibarra kimmita met iti lawlawna, a dina ket ammo no
asinno ti inna sapulen. Naimbag a gasat ta kasna la nailasin ni
Elias, a mangbuybuya a di mangikankano iti kasdi a maaramid.
Ni Ibarra nagtaray a napan kenkuana, iniggamanna ti takiagna,
ket kinunana iti sao ti kastila:
________
1 1879.
