—?Kasano ti pannaka-anawayo id daydi kibor idi rabii? — sinaludsod ni Ibarra kct inperrcngna kcnkuana dagiti matmata na.
—!Nalaka unay!—insungbat ni Elias, a kas la awan ania man; —dagidi nangidaulo iti garaw, duada nga agkabsat a ti ama da, natay a minalmalo dagiti sibil; naminsan nga aldaw, naigasatak a naispal ida kadagiti im-ima a nakatnagan daydi amada, ket isuda a dua bigbigcnda nga utang da kaniak. Isuda ti nagturungak idi rabii kct isuda ti nakaammon a nakisao kadagiti dadduma.
—?Ket dagita dua nga agkabsat a ti ama da natay a namalmalo . . . ?
— Agtungpaldanto iti nagtungpalan daydi amada, —insungbat ni Elias iti nainayad; no ni dakcs a gasat tinuldekannan ti maysa a balay, amin dagiti kamkamcngna masapol a mapukawda; no ti sal-it dalapusenna ti maysa a kayo, padapuenna amin.
Ket ni Elias, idi makitana nga agulimek ni Ibarra, nagpakada.
Toy, idi maymaysan, napukawna ti natalna a langana a tinaginayunna iti saklang daydi mangyurit, ket naipadlaw ni liday iti rupana.
—!Siak, siak ti nangtutu-ok kenkuana! indayamudumna. Nagaruat a nagdardaras ket immulog.
Maysa a lalaki a bassit, nakapanes, nga adda dakkel a piglatna iti makatigid a pingpingna, ti sipapakurang a kimmabla-aw kenkuana, a nangsabat iti dalanna.
—?Ania ti kayatyo? —sinaludsod ni Ibarra.
—Apo, agnaganak iti Lucas, siak ti kabsat daydi natay idi kalman
—!A! Makipagladingitak kadakayo . . . ?ket, ania?
—Apo, kayatko kuma nga ammuen no mano ti ibayadyo ka dagiti napanawan daydi kabsat ko.
—Ibayad?--inulit daydi bumaro, a dina ket napedped ti luksawna;—agsautayto no kua maipanggep ti dayta. Agsublikayto no malem ta ita gumangganatak.
—!Ibagayo laeng no mano ti kayatyo nga ibayad! —inulit ni
Lucas.
