—Inbagak kadakayon, a sabalinto nga aldaw ti intay panagsasao; —itan, awan kanitok! . . . kinuna ni Ibarra a sigaganat.
—?Awan kanitoyo ita, apo? — sinaludsod a sipapa-it ni Lucas ket napan iti sangona; —La wan kanitoyo a manglagip kadagiti natnatay?
—Umaykayto no malem, naimbag a tao! —inulit ni Ibarra a nagteppel; —ita, adda innak kitaen a masakit.
—!A! ket gapo iti maysa a masakit, malipatanyo dagiti nat natay? ?Pagarupenyo a gapo ta marigrigatkami . . .?
Ni Ibarra inna kinita ket ginupedna ti saona.
—!Saanyo nga ibusen ti anos ko! —kinunana ket intuluyna ti nagna. Ni Lucas kinitana nga immisem iti napnuan apas.
!Makita nga apukona ka daydi nangipalag idi amak! — indayamudumna nga inngariet; !adda pay la kenka ti darana!
Sana innayon, a binaliwanna ti timekna:
—Ngem no nalaingka nga agbayad... !aggayyemta!
