Nalpasen ti piesta; dagiti umili nasarakanda mancn a kas
patinayon a tawen, a ti lakasada adadda a napangpanglaw, nagbannog, nagling-ct ket nagpuyatda iti ado a dida ket nakapagayayam, dida nakasarak iti baro a gayyem da, maymaysa a pannao,
nangina ti inbayadda iti riri ken sakit ti ulo da. Ngem, awan ti
ania man; inton umay a tawen, kastanto manen ti maaramid, kastanto manen iti sumaruno a maika-sangagasot a tawen, ta iso dayta
ti kadawyan agpapan ita.
Iti balay ni Kapitan Tiago, agari ti nalaos a liday: amin dagiti tawtawa siririkepda, dagiti tattao apaman la ta agarimpadekda no magnada, ket isuna la a mnituredda ti aguni iti napigsa iti kosina. Ni Maria Clara, ti kararua ti balay, adda iti iddana a masakit; ti kasasaadna mabasa kadagiti amin a ruprupa, kas pannakabasa kadagiti tutu-uken ti kararua iti rupa ti maysa a tao.
— ?Ania ti kunam, Isabel: manglimusak iti krus sadi Tunasan wenno iti krus sadi Matajon? —saludsuden a si-inayad ti sidadanag nga ama. —Ti krus sadi Tunasan dumakkel, ngem ti krus sadi Matajong aglinget: asinno kadakuada ti kunam a napigpigsa ti milagrona?
Ni ikit Isabel agpanunot, pagkutienna ti ulona ket idayamudumna:
—Ti dumakkel... ti dumakkel, adadda a milagro ngem ti aglinget; aglinget tay amin, ngem saan tay a dumakkel amin.
—Agpayso, Isabel, wen, ngem panunutem a ti aglinget... aglinget ti kayo nga aramidenda kuma a saka ti bangko, saan a bassit a milagro... Ala, naim-imbag sa no manglimos datao ka dagiti dua a krus, iti kasta, awan malukluksaw, ket madardaras ti panaglaing ni Maria Clara... ?Nasayaat dan dagiti silsiled? Ammumon a makikuyog kadagiti dodoktor ti maysa nga baro nga apo, a kabagyan bassit ni Padre Damaso; masapol nga awan ti
agkurang.
