dunia Victorina dina kayat a makita ti kinapilay ni asawana—
inna ipan kadagiti disdisso nga adadda nga awan matatao, a kasta
unay a liday ti bakct a kayatna kuma nga agraniag ti lakayna ka
dagiti disdisso nga adadda a napatak, ngem agulimek gapo iti
pammadayawna iti sam-it ti apagas-asawa.
Nangrugi a kimmapoy ti lawag ti bulan idi ta ni don Tiburcio kinayatna a kinasarita ni dunia Victorina gapo kadagiti polbos de arroz, a kinunana a daydi, saan a pudpudno, saan a kasisigod; ni dunia Victorina pinagkuribetbetna dagiti k’dkidayna, kct kinitana dagidi maikkat a ngipngipen ni don Tiburcio. Toy nagulimck, ket ni dunia Victorina naawatanna ti pagkapuyan ti lakay na.
Iti nabiit, inpapanna nga agsikugen, ket inna inpakda-ar kadagiti amin a gagayyemna:
—Inton umay a bulan, siak ken ni De Espadania inkamto sadi Peninsula; diak kayat a mayanak ditoy ti anakmi ket inda panaganan iti rebolusionario.
Inikkanna iti maysa a "de” ti apclyido ni asawana, ti "de” awan bayadna, ngem ikkanna ti nagan iti kategoria. No agpirma, kastoy ti ikabilna: Victorina de los Reyes "de” de Espadania; daytoy “de” Espadania iso ti simbrek iti ulona; uray daydi nagaramid iti tarjetana, uray ni asawana dida nabalin a naikkat iti ulo na.
—No maymaysa a "de" ti ikabil ko, mabalinda a kunaen nga awanen ti nagan mo, jang-ang! — kinunana iti asawana.
Kankanayon a ibagbagana dagiti sagsaganana a mapan aglayag, inadalna nga inpaulo dagiti nagnagan dagiti disdisso a sardengan ti sasakyan, ket nakaay-ayat la unay a dengdenggen nga agkunkuna.
—"Makitakto ti mismo idiay Kanal de Suez; ni De Espadania pagarupenna nga iso ti katatarakian, ket ni De Espadania nalawlawna amin ti lubungen.” —“Nalabit, diakto masublianen toy ili dagiti salbale" — “Saannak a nayanak nga agyan ditoy; nalalaing kaniak ti Aden wenno ti Port Said; nanipod pay idi ubingak,. kasta ti panangipagarop ko,” kdmpy. Ni dunia Victorina, iti jeograpiana, biningayna ti lubong iti Pilipinas ken Espania, a
maigidiat met ngarod kadagiti chulo nga inda bingayen iti Espania ken America, wenno China, iti sabali a pangnagan da.
