kuana, inyam-ammuda met, agraman amin a kasasaad ken galgaladna, ni bumaro a Linares, iso limmabbaga iti bain.
Kas kadawyan, nasarsaritada ni Maria Clara; ti balasang agininana ket matmaturog. Nasarsaritada ti pannagnada; ni dunia Victorina inpakitana ti kinatarabitabna a nanguy-uyaw kadagiti kadkadawyan dagiti taga probinsia, dagiti balbalay da a nipa, dagiti rangrantay a kawayan. a dina ket nalipatan a inbaga iti kura a gayyemna ti Segundo Kabo, ni Alkalde Kastoy, ni Oidor Kasdiay, ni Intendente kua, kdmpy., tattao da amin a de kategoria, isuda a mangpadpadayaw unay kenkuana.
—Immaykay la kuma idi kasanga-aldaw, dunia Victorina, — insengngat ni Kapitan Tiago, idi simmardeng iti apagbiit—nakitayo kuma ni Ekselensia, ti Kapitan Jeneral: dita ti nagtugawanna.
—?Ania? d’Kasano? Nagyan ditoy ni Ekselensia? Ket ditoy balayyo? !Ulbod!
— Kunak ngad kadakayo a nagtugaw dita! Immaykay ia kuma idi kasanga-aldaw.
—!A! Inagdakesen ta saan a nasapsapa a nagsakit ni Clarita! —kinunana, a pudno a nalidayan, sana kinuna ken Linares:
—?Mangngegmo, primo? !Ditoy nagyan ni Ekselensia! ?Ma- kitam no di pudno ti sao kenka ni De Espadania a saan ka nga umay iti balay ti maysa nga indio a kastakasta laeng? Ta ammuyo, don Santiago, a ni kasinsin mi, sadi Madrid, gayyem dagiti minministro, dagiti duduke, ket mangmangan iti balay ni Konde del Kampanario.
—Duke de la Torre, kunam, Victorina,— inyanawa ni asawa na.
—!Iso met lattan, no kunamto ket kaniak. . .?
—?Masarakakto ngata ni Padre Damaso idiay ili a yanna? — insamang ni Linares a nagturong ken Padre Salvi; —nasauda ka niak nga asideg ditoy.
—Adda ditoy ita, ket umayto iti mabiit,—insungbat ti kura.
!Maragsakannak unay! adda surat a itedko kenkuana, — kinuna daydi bumaro,—ket no saan kuma a gapo itoy nagasat a naitarubak a nakaayak ditoy, rinantak kuma ti umay kumita ken kuana.
Iti daydi, ti nagasat a naitarubak nakariing.
