—?De Espadania?—kinuna ni dunia Victorina idi nalpasda
a nangan, —?intay kitaen ni Clarita? —Sana kinuna ken Kapitan
Tiago: ¡Gapo la kadakayo, Don Santiago, gapo la kadakayo!
Ni asawak saanna nga agasan no di la dagiti tattao a de kategoria, !ket uray pay, uray pay! Ni asawak saan a kas kadagiti
taga ditoy... sadi Madrid, awan agasanna no di la dagiti tattao a
de kategoria
Napanda iti siled ti masakit.
Ti siled nganngani nasipnget a naminpinsan, dagiti tawtawa siririkepda gapo iti butcngda iti angin, ket ti bassit a silaw a manglawag, aggapo kadagiti dua dadakkel a kankandela a sum sumgcd iti sangwanan ti ladawan
Ti balasang adda a si-idda iti katrena a ballatinaw a natabingan iti jusi ken pinia, ti ulona nabaredbedan iti panio a naibabasa iti agua de Kolonia, ti bagina naarpawan a si-aannad iti ules a puraw nga ado dagiti pilpillidisna, iso a nangabbong ka dagiti di pay natulawan a kamkamengna. Dagiti bubuokna, a kas da man bassikaw iti nagimmos a rupana, inda nayunan ti agsalagasag a bessagna, nga isuna la a biagen dagiti dadakkel a matmatana, a sipupunno iti liday. Iti arpadna addada dagiti dua a gagayyemna ken ni Andeng a siiggem iti sabong ti asusena.
Inpulsuan ni De Espadania, inamirisna ti dilana, nagsaludsod iti sumagmamano, sana kinuna a pinagwingiwingna ti ulona:
—¡Ma . . . masakit, ngem ma . . . maagasan!
Ni dunia Victorina kinitana a sitatangsit dagiti adda a silalawlaw.
—¡Liquen ken gatas iti bigat, jarabe de altea, dua a pildora de cinoglosa!—inibilin ni De Espadania.
—Pabilgem ti nakemmo, Clarita,—kinuna ni dunia Victorina, nga immasideg,—immaykami ta umaydaka agasan... !Yam-ammuka itoy kasinsin mi!
Ni Linares napamayeng a nangbuybuya kadagiti ingget libnos a matmatana a kas man adda inna sapsapulen, ket dina nangngeg ni dunia Victorina a nangayab kenkuana.
—Apo Linares, —kinuna ti kura nga inna inaon iti pannakassaemna; —adtuyen ni Padre Damaso.
Pudno, ta sumangpet idi ni Padre Damaso, sibebessag ket
