Idin, ni mettcn Padre Salvi ti nagpagnapagna, sipapanunot a kas kanayon.
Maysa a timek a nangted kcnkuana iti naimbag a bigat ti nangaon kenkuana iti nawayas a panagpagnapagnana; intangadna ti ulona ket nasarakanna ni Lucas, iso a sipapakumbaba a kimmablaaw kenkuana.
—¿Ania ti kayatmo?—sinaludsod dagiti matmata ti kura.
—¡Padre, siak ti kabsat dayti natay idi kaaldawan ti piesta! — insungbat ni Lucas, a timekna ti kas la makasangsangit.
Ni Padre Salvi nagsanod.
—¿Ket, ania?—indayamudumna, a timekna ti di nadlaw Ni Lucas uray la kakaasi nga aginsasangit ket inna punaspunasen dagiti matmatana iti paniona.
—Padre,—kunkunana nga aginsasangit,—nagyanak idiay baiay ni don Crisostomo a napan dimmawat iti supapak ti biag daydi kabsat ko... immuna, inawatnak iti bin-ig a kugtar, a kinunana a dina kayat ti agbayad, ta nagpeggad kan pay a natay gapo iti basol daydi ay-ayatek ken awanan gasat a kabsat ko. Idi kalman, nagsubliak a napan manen makisao kenkuana, ngem napan met idin sadi Manila, ket nangibati a kasna pangnga-asi, ti lima gasot a pisos, sana inbilin a uray kaano diak agsubsublin! !A! padre, limlima gasot a pisos, ti bayad ti biag daydi kabsat ko, lim-lima gasot a pisos, ia, padre! ...
Ti kura inna pay met la dengdenggen idi damona, a si-sisiddaaw ken sipapasnek, idi kuan, nangin-inot a pimmarang kadagiti bibbibigna ti maysa nga isem a nalais ken naumsi idi makitana daydi sinsinan nga aramid, ket no kuman nakita ni Lucas, nagtalaw a nagtartaray.
—¿Ket, ania ti kayatmo ita, sika?—sinaludsudan a tinallikudan.
—¡Ay, padre! ipagapuyo iti Dios ta ibagayo no ania ti rebbengko nga aramiden; ni apo padi kanayon a nangnangted iti naimbag a patigmaan.
—¿Asinno ti nagkuna kenka? Sika saan ka a taga ditoy...
—¡Ni apo padi am-ammuda iti amin itoy a probinsia! Inasitgan ni Padre Salvi, a makapungpungtot dagiti matmata na, ket kinunana nga intudo ti dalan ken nakigtot a Lucas:
—¡Inka idiay balaymo ket agyamanka ken don Crisostomo
ta dina ka pinaipan iti pagbaludan! ¡Pumanawka ditoy!
