This page has been validated.
Ni Lucas nalipatanna daydi sinsinan nga aramidna, ket in dayamudumna:
—Ket no inpagarupko nga. ..
—¡Tumalawka ditoy!—inpukkaw a sipupungtot ni Padre Salvi.
— ¡Kayatko kuma a kitaen ni Padre Damaso! . . .
—Adda aramid ni Padre Damaso... itumalawka ditoy! — sinubli nga inbilin a situturay ti kura.
Ni Lucas immulog nga agdaydayamudom:
—Toy, maysa met... !no di agbayad a nalaing!... Ti nalalaing a bumayad...
Gapo iti timek ti kura, immarayatda amin, pati pay da Padre Damaso, Kapitan Tiago ken Linares.
—¡Maysa nga awanan bain a bayanggudaw a umay dumawat iti limos ket dina kayat ti agbannog!—kinuna ni Padre Salvi, ket
innalana ti kallugong ken bastonna nga agawiden iti konbento.
