Naunday nga al-aldaw ken naliday a rabrabii dagiti napalabas
iti uluanan ti iddana; ni Maria Clara nagunad kalpasan ti sumagmamano a kanito iti daydi panagkonpesarna, kct iti bayat ti inna
panagam-ammangaw, awan sabali a binalbalikasna no di ti nagan
daydi inana, iso a dina piman naam-ammo. Ngem dagiti gagayycmna, ni amana ken ni ikitna addada nga agbanbantay; nagpaipanda iti misa ken limos kadagiti amin nga milmilagro
a ladladawan dagiti sasanto; ni Kapitan Tiago nagkari a mangted
iti maysa a baston a balitok iti Birjen de Antipolo; idi kuan, ti
gurigor nangrugi met la a nangin-inot ken patinayon a bimmaba.
Ni doktor de Espadania nasdaawan ti kinaimbag ti agasna a jarabe de altea ken inanger a liquen, ag-agas a dina ket binaliwanen. Ni dunia Victorina kasta unay nga ay-ayatna iti asawana, ta iti pay naminsan a inna napayat ti ipos ti batana, saanna nga inpatay ti panusdusana a panangikkatna kadagiti ngingipenna, ngem isuna la a kinunana:
—¡No dikay pilay, wenno napayatmo pay ti l{orse! ¡Ngem iso di met agkorse!
Naminsan a malem a napan sinarungkaran da Sinang ken Victorina, ti gayyem da, addada nga agsasarita iti bayat ti pannangan da iti malem, ti kura, ni Kapitan Tiago ken da dunia Victorina nga agkakabbalay.
—Ladingitek unay,—kunkuna ti doktor;—ni Padre Damaso leddaangennanto met ngata.
—¿Ket, adinno ti kunayo a pangyalisanda kenkuana? —sinaludsod ni Linares iti kura.
—¡Idiay probinsia a Tayabas!—insungbat toy a kas la masadsadot.
—Dinto pay agleddaang unay no maammuanna, iso ni Maria, —kinuna ni Kapitan Tiago;—ayatenna a kas panagayat iti maysa
nga amo.
