Ti met kura, a kas itay dina nangngeg dagidi a sasao, intuluyna:
—Patiendak, don Santiago; tapno maagasan a maminpinsan ti anakyo, masapol nga agkomulgar no bigat; umaykunto biatikuan... kunak nga awan ngata ti ikonpesarna, nupay kasta.. . no kayatna a madalusan ti pusona no rabii
—Diak ammo,—innayon a dagos ni dunia Victorina, idi simmardcng biit a nagsao ti maysa, —diak maawatan ti gapona nga addada lallaki a makaitured a makiasawa iti bugaw a kas ti dayta a babai; uray adayo pay, makitan no adinno ti naggapuanna; mad law a matmatay iti apal; Imakitan! ?mano ti ganaben ti maysa nga alperes?
—Ala, don Santiago, ibagayo ken kasinsinyo a pagsaganaenna ti masakit a umawat iti komunion no bigat; umayakto no rabii a mamakawan kadagiti sagbabassit a basbasolna...
Ket idi ta nakitana a rimuar ni ikit Isabel, kinunana kenkuana iti sao ti tagalog:
—Saganaenyo ti kaanakanyo nga agkonpcsar no rabii; inton bigat, umayko biatikuan; isunto dayta ti madardaras a mangpaungar kenkuana.
—Ngem, Padre,—naiturcd a kinuna a sia-alumiim ni Linares, —ania ta atapenna nga umasideg ni patay.
—Saan kay a madanagan!—sinungbatanna dina pay kinita,—ammok ti aramidek; aduda dagiti nagsaksakit a innak tinuk tulungan; maysa pay, isunto ti mangibaga no kayatna wenno saan ti agkomulgar ket makitayunto a wen amin a sungbatna.
Ni Kapitan Tiago inwenna aminen.
Ni ikit Isabel simbrek iti siled ti masakit.
Ni Maria Clara adda pay la nga agid-idda, sibebessag, sibebessag unay; iti arpadna addada dagiti dua a gagayyemna.
Tumilmunka pay maysa iti daytoy,—kinuna ni Sinang a siinayad, ket nangyaon iti maysa a nagbukel a puraw, a innalana iti maysa a bassit a tubong a sarming;—iso kunana a no adda mariknam nga agwengweng iti lapayagmo. isardengmo ti agagas.
—¿Dina ka sinublian a sinuratan? —sinaludsod ti masakit iti nainayad a timek.
—¡Saan, nalabit nga ado unay ti aramidna!
—¿Awan paibagana kaniak?
