—Awan sabali a saona no di ti inna panangikalikagom a ikkatcn ti Arsobispo ti pannakaeskomulgadona, tapno...
Naisardeng ti saritada, ta sumungad ni ikitna.
—Kuna ni Apo padi nga agsaganaka nga agkonpesar, anakko,—kinuna daydi bakct;—panawanyo ta panunutenna dagiti basbasolna.
—¡Ket no awan pay maysa a lawasna a nagkonpesar!—inriri ni Sinang. —¡Siak saanak a masakit ket diak unay masansan nga agbasol!
—¡Ni! iDiyo ammo ti kuna ti kura: “ti nasingpet maminpito a makabasoi iti agmalem”? Ala, dkayatmo a yegko kenka tay Ankora, tay Ramiliete, wenno daytay Nalinteg a dalan a mapan sadi Langit?
Ni Maria Clara saan a simmungbat.
—Ala, saanka nga agbannog,—innayon daydi naimbag a baket a pinangliwliwa;—siakto ti mangbasa iti pagpanunutan ket sika awanto ti armidmo no di la manglaglagip kadagiti basbasol mo.
—¡Isuratmo kenkuana a dinak laglagipenen! —inyarasaas ni Maria Clara ken Sinang idi agpakada.
—¿Apay?
Ngem ti baket simbrek, ket ni Sinang napilit a immadayo, a dina ket naawatan ti inbaga ti gayyemna.
Daydi naimbag a ikit inyasidegna ti maysa a tugaw iti silaw, inkabilna ti antiukosna iti murdong ti agongna, inukradna ti maysa a pagbasaan a bassit, ket kinunana:
—Ipasnekmo a nalaing, anakko; irugik kadagiti Bilbilin ti Dios; in-inayadekto tapno makapagpanunutka; no dinak mangngeg a naimbag, ibagam, tapno ulitak; ammumon a no gapo iti pagimbagam, diak mabannog, uray kaano man.
Inrugina a binasa, a timekna ti nabannayat ken nabangag, dagiti panpanunot maipanggep kadagiti pakaisebsebangan nga agbasol. Iti kalpasan ti tunggal gunglo, mabaybayag la nga agsardeng, tapno mabalin ti balasang a laglagipen dagiti basbasolna ket makapagbabawi.
Ni Maria Clara kitkitaenna, a kas la aleng-aleng, ti tangatang. Idi nalpas ti umuna a bilin nga “Ayatem ti Dios a ipangrunam ngem iti iso amin" kinita ni ikit Isabel iti ngatuen ti antiukosna. ket naayatan iti nakitana a langa ni Maria Clara a
