a siigam iti padana a tao, ti inna pannakangngcg kadagiti sasaibbck daydi managbasol. Iso di limmalo a ngimmato ti timekna, bi
nasana ti natda pay iti daydi a bilin a inkagumaanna a pinagbalin
ti timekna a kas la mangam-ames, ket idi ta makitana a ti kaanakanna agsangsangit pay laeng.
—¡Agsangitka, anakko, agsangitka!—kinunana nga immasideg iti idda ti masakit; —no ad-ado dagiti sangsangitmo, masmasayod a pakawanennaka ni Apo Dios. Ti panagbabawi a kontrision, iso ti aramidem, nalalaing ngem ti atrision. ¡Agsangitka, anakko, agsangitka! !dika ammo no kasano ti yaman ko no makitaka nga agsangit! Danugen met ta barukongmo, ngem dika unay pigpigsaan, ta masaksakitka pay laeng.
Ngem, piman ta ni ladingit, tapno umukuok, masapulna da ulimek ken kinamaymaysa, ni Maria Clara, idi makitana a natakuatanda, insardengna a nangin-inot ti nagsaibbek, pinunasanna dagiti matmatana a di ket nagtimek ket dina met sinungbatan ni ikit na.
Toy intuluyna ti nagbasa, ngem agsipod ta nagsardeng metten ti panagsangit ti agdengdengngeg kenkuana, napukawna ti reggetna, dagiti maudi a bilbilin pinagsugelda ket inda pinagsuya-ab, a kasta unay a pannakadadael daydi makauma a kinabangagna, a maisardeng man iti kasdi.
—¡No kuman diak kitkitaen, diak kuma patien! —kunkuna daydi naimbag a baket iti kalpasanna; —toy a ubing kas la agbasbasol a soldado kadagiti umuna a lima a bilbilin, ket manipod iti maikanem inggana iti maikasangapulo, uray la kuma no maysa a basol a nalag-an, Isungani kadataon! ¡Ania ket ti lubong itan!
Ket nanegged iti maysa a dakkel a kandela iti sango ti Birjen de Antipolo ken dua a babbabassit iti sango met da Nuestra Seniora del Rosario ken Nuestra Seniora del Pilar, ket inannadanna unay a inyadayo ken inpasuli ti maysa a Santo Kristo a marpil, a kasna pangipa-awat a dagidi a kandela saan da a naseggedan gapo kenkuana. Ti Birjen de Delaroche kasdi met a di nairaman: maysa gayam a ganggannaet a di am-ammo, ket ni ikit Isabel awan pay nangngegna a milagrona inggana idi.
Saan mi nga ammo no ania ti naaramid iti panagkonpesar
ni Marfa Clara iti daydi a rabii; dakami pagraemanmi dagita
