immasideg, a dina ket insina ti panangiturongna iti rebolberna; —no kasta . . . umaykayo.
Ni Elias simmurot.
Simbrckda iti maysa a kas la rukib, a bumaba iti uneg ti daga. Ti bagnos, ta ammuna ti dalan, inna ibagbaga iti mang yurit no kaano ti rcbbcngna nga iba-baba, irurukob wenno yuuyas; nupay kasta, di nagbayag dimmanunda iti maysa a yan a kas la sinan siled a dakkel, a nasilawan a sikakapoy iti sumsumged a biria, nga iso ti yan ti sangapulo ket dua wenno sangapulo ket lima a tattao a siigam, narugit dagiti ruprupada ket nakabutbuteng dagiti pagan-anayda, nakatugaw dagiti dadduma, ket addada met nakaidda, ket apaman la ta agsasauda. Sisasadag dagiti siksikona iti maysa a bato, nga ison ti kasna pannakalamisaan, ket kitkitaenna a sipapanunot ti silaw a nagbassit, ti raniagna, idinto a kasta unay ti asokna, adda a makita ti maysa a lakay, a langana ti naliday, ti ulona nabaredbedan iti lupot a daradara; no kuman di ammo a daydi, maysa nga ayuyang dagiti tutulisan, makuna kuma, no mabasa ti pannakapukawen ni inanama, iti rupa daydi a lakay, a iso daydi ti “Torre ni Bisin" iti daydi nga aldaw kasangwanan ti pananglamot ni Ugolino kadagiti annakna.
Idi dimteng ni Elias ken ti bagnos, dagidi tattao kas da bimmangon, ngcm idi pinatulduan ida ti naudi, nagtalnada ket isuna la nga inda inam-amiris ti takder ti mangyurit nga awan ania man a igamna.
Daydi a lakay intaliawna a si-inayad ti ulona ket nakitana ti natalna a takder ni Elias, a kumitkita kenkuana, ulo-ulo, ket sipupunno iti liday ken gagar.
¿Sika gayam? —sinalusod daydi lakay, a dagiti matmatana, idi mabigbigda ni Elias, rimmagsakda bassit.
—¡Ania ket ti kasasaadyo a madanunkon! —indayamudom ni Elias, a nganngani saan a nangngeg ti timekna ket inwingiwingna ti ulona.
Daydi lakay inbabana ti ulona a si-uulimek, pinatulduanna dagiti tattao, isuda a timmakder ken immadayo, ngem immuna
pay la a kinitada ti mangyurit a kas ket itay kinayatda a rinukod ti katayagna ken dagiti taktakiagna.
