¡Wen! —kinuna daydi lakay ken Elias idi is-isudan; —idi maikanem a bulan itan, idi pinasangbayka iti balay ko, siak idi ti naasi kenka; ita, ni gasat nagbaliw, ket sika ti maasi kaniak. Ngem agtugawka ket saritaem no kasano ti idadanon mo ditoy.
—Sangapulo ket lima nga aldaw itan a nasaritada kaniak ti dakcs a napasamakyo, —insungbat daydi bumaro iti nabannayat ken nainayad a timek, ket kinitana ti silaw; —dinagusko ti nagna ket inkay sinapsapol kadagiti banbantay: ngannganik naunor ti dua a pangukuman.
—Tapno diak makaibelleng iti dara nga awan basolna, napilitak a timmalaw; dagiti kabusorko nagbutengda a nag parang, ket isuna la nga insarangetda kaniak dagiti sumagmamano nga awanan gasat, nga awan uray sangkabassit a inaramidda kaniak a dakes.
Kalpasan ti apagbiit a panagulimek, kanito nga inpaay ni Elias a pinangbasa kadagiti panpanunot a naisurat iti naliday a rupa ti lakay, kinunana:
—Immayak a umay mangibaga kadakavo iti maysa a banag. Piman ta nagbanbannugak la nga awan banagna a nangsapsapol kadagiti in-inabo daydi nakinggapuan iti dakes a gasatmi a sangapuunan, naalak a panunot a panawakon ti panguku man a pagiyanak, ta innak sadi Amianan tumipon kadagiti it-itneg, isuda nga agbiag nga agwaywayas: ¿kayatyo a panawan dayta rinugyanyo a biag, ket umaykay kumuyog kaniak? Siakto ti anakyo, piman ta napukawyo dagidi bungbungayo, ket siak, ta awan met naganak kaniak, dakayto ti amak.
Daydi lakay nagwingiwing, ket kinunana:
—No iti tawen ko, ta alaenen ti maudi a nakem nga awananen iti inanama. maipuon ta awanen sabali. Maysa a tao, a kas kaniak, a pinalabasna ti kinaubing ken kinapigsa ti biagna a nangdamdamili iti pagimbaganna ken pagimbagan dagiti annakna; maysa a tao a situtudio a nagtungtungpal kadagiti amin a kinaykayat dagiti agturturay, a inpasnekna ti nagtungpal iti
ingga ti kabaelanna kadagiti nabantot nga an-annong a inpakumit da kenkuana, inturedna a si-aanos amin tapno agbiag laeng a sitatalna ken sitatalingengen iti ingga ti mabalin; no daytoy a tao, a ti darana pinalamiisen dagiti tawtawen, ta inna iwaksi amin a napalabas ken kasakbayanna, idinto ta addan iti rang
