kalpasan dagidi a pannakaibabain, ngem no saannak a naparangkapan iti bileg ti maysa nga ama a nangisakit kadagiti annakko, nabati kaniak ti maysa a puso a mangibales, ket innakto
bumales!
Dagiti marigrigatan umaydan aggutimmong babaen
ti panagbilinko, dagiti kabusorko nayunanda dagiti kakaduak,
ket inton dumteng ti aldaw a namnamaekon a napigsaak, jbumabaakto iti tanap ket igibuskunto iti apoy ti ibabales ko ken
ti pay met biagko!
!Ket dayta nga aldaw dumtengto wenno
awan Dios!
Ket daydi lakay timmakder a sipipigergci, sana innayon a matana ti sumilsilap ket timekna ti kas la aggapo iti maysa a rukib, a inna pay pinungot dagiti atitiddag a bubuokna:
—¡Lunod, lunod kaniak, ta innak sinangga ti ima dagidi annakko a bumales! jsiak ti nangpapatay kadakuada! jBinayak kuma a natay daydi nakabasol, diak kuma unay namatpati iti linteg ti Dios ken iti linteg dagiti tattao, ita, addada kuma dagidi annakko, nalabit a indakam kuma kamkamaten, ngem addada kuma, ket saan da kuma a natay iti let-ang ti kasta unay a tuok! !Saanak a nayanak a maikari nga agbalin nga ama, iso ti gapona nga awanannak iti anak! jLunod kaniak, ta diak naadal, diak naammo iti bayat dagiti tawtawen a panagbiag ko, ti kasasaad! ti lubong a nagbiagak! ¡Ngem iti apoy ken dara, ken iti pay ipapatayko, ammukayto nga ibales!
Daydi awanan gasat nga ama, iti kangitingit ti ladingitna, napungutna ti bedbed ti ulona, ket naluktan ti sugat ti mugingna, a nagpusuakan ti ado a dara.
—Pagrukbabak ta ladingityo, —insungbat ni Elias, —ket maawatak met ti tarigagayyo a bumales; siak kas laak met kadakayo, ket nupay kasta, gapo iti buteng ko a mangsugat iti maysa nga awanan basol, kaykayatko a lipaten ti kinadaksanggasat ko.
¡Sika mabalinmo ti manglipat, ta ubingka pay ken gapo ta
awan anak a napukawmo, saan mo a napukaw ti maudi nga inanamam! Ngem ipatalgedko kenka a diakto mangsugat iti maysa
nga awanan basol. ¿Makitam toy a sugat? Gapo iti adik a pumatay iti maysa a nakakaasi a kuadriliero, nga agtungpal iti an-
nongna, binay-ak a siak ti nasugatan.
_________
(1) cNaaramid sadi Tanawan wenno sadi Pateros? (P. ti N.)
