Maria! —kinuna ni Kapitan Basilio.
—Awan gurigornan, ngem nakapoy pay laeng.
—¿Na-abakkay idi rabii?
—Sangkabassit; ammok a nangabakkayo . . . kitaen no makasbot, datao.
—¿Kayatyo nga ipallot ta lasak yo? —sinaludsod ni Kapitan Basilio, a kinitana daydi manok, ket inna dinawat iti ubing.
—Kitaen no adda pusta.
—¿Mano ti ikabil yo?
No nakurang a dua, diak ipallot.
—¿Nakitayon tay burik ko? —sinaludsod ni Kapitan Basilio, ket inayabanna ti maysa a lalaki a nangubba iti maysa a bassit a manok.
Ni Kapitan Tiago inna inamiris, ket idi nalpasna a nabagting ken naamiris dagiti siksiksikna, insublina.
—¡Mano ti ikabilyo? —sinaludsudna
—Ti ikabilyo.
¿Dua ket lima gasot?
—¿Tallo?
—¡Tallo!
—¡Itoy sumaruno!
Ti gunglo dagiti agbuybuya ken mannugal inwarasna ti damag nga agsango dagiti dua a manmanok nga agdindinamag; isu da a dua adda pakasaritaandan ket addaanda metten nga agpad padan iti naimbag a damag. Amin dagiti tattao kayatda a kitaen, amirisen dagidi dua nga agdindinamag a manmanok; ibagada ti pamanunutan da, agpadlesda.
Ti met riaw lumalo, manegdeg ti kibor, serkenda ti Rueda, agdadarupda a mapan kadagiti agda-agdan. Dagiti soltador inda pagsangwen ti dua a manok, maysa a puraw ken maysa a nalabaga, natadiandan, ngem dagiti tadtadi sibabalayda pay laeng. Adda mangngeg a pukkaw: ¡puraw! ¡puraw!, ad da met pasaray agkuna: ¡nalabaga! Ti puraw iso ti liamado ket ti nalabaga iso ti dejado.
Addada met sibil a nailalaok kadagiti ado a tattao; saan da a nakaaruat iti kawes toy ingget laing a gimong, ngem saan da met a nakapaisano. Kalson a ginggon a nagbibo iti nalabaga, bado a naalian iti balbag ti blusa da, gorra ti agyan iti kuartel, iso
