Nupay kasta, nagsardeng ket pinunasna mancn ti lingetna
—¿Saka pay agsardeng? —sinaludsod ni Bruno, a sigaganat.
—¿Ammom no ania a soltada ti sumaruno? ¿maikari a? . . .
—¡Saan aya! dika aya nangngeg? Ti burik ni Kapitan Ba silio iso ti maisango iti la>a ni Kapitan Tiago; ti linteg ti sugal kunana a mangabak ti lasak.
—¡A, ti lasak uray siak pumustaak met kuma ... ngem pen kenta pay a nalaing.
Ni Bruno inpakitana, iti garawna, ti ganatna, ngem sinu rutna ti kabsatna, ket toy kitakitaenna a nalaing ti manok, ami risenna, agpanunot. agsaludsod, daydi daksanggasat agngata; ni Bruno makapungtot ket kinitana a siluluksaw.
—¿Ngem dika makita dayta dakkel a siksik nga adda iti asideg dayta kawwetna? ¿dika makita dagita a saksaka? ¿ania pay ti kayat mo? ¡Kitaem dagiti lupluppona, ukradem dagita paypayak na! ¿Ket daytoy siksik itoy a nagudua iti ngatuen daytoy dakkel itoy, ken dayta pay nagsukot?
Ni Tarsilo saana a mangngeg ti saona, intuluyna nga inamamiris ti manok: ti killiing dagiti kuarta a balitok ken pirak dumanunda iti lapayagna.
—Kitaenta man ita ti burik, —kinunana, a timekna ti di mayesngaw.
Ni Bruno intupakna ti sakana iti daga, nagngariet, ngem sinurutna ti kabsatna.
Immasidegda iti sabali a gunglo. Sadiay, inda tadtadianen ti manok, agpilpilida iti tadi, ti manadi mangisagsagana iti seda a nalabaga, allidanna, sana mabaybayag nga ap-pnutan.
Ni Tarsilo binungunna ti manok iti ikikita a sisisipnget iti liday: kas la itay dina makita ti manok, no di ket sabali a banag iti kasakbayan. Yaprusna ti imana iti mugingna ket,
—¿Pudno a mayatka? —saludsudenna iti kabsatna, a timek na ti di mayebkas.
—¿Siak? itay pay; juray diak ida kitaenen!
—Wen, . . . ngem tay nakakaasi a kabsat ta...
—¡Ni! ¿dida met inbaga kenka a ni don Crisdstomo iso ti pangulo? ¿dika nakita a makikuyog iti Kapitan Jeneral a nagpagpagna? ¿Ania kad ti peggad ta?
—¿Ket no matay ta?
—¿Ania pay? Daydi ama tayo natay a minalmaluda.
