—Inbagakon: no agsapulkay iti kadua a mangraot iti kuartel, ikkankay iti saggitlo pulo ti maysa, ket sangapulo met ti ited ko iti tunggal maysa kadagiti kakaduayo. No rumuar amin a nasayaat, tumunggal maysa umawatto iti sangagasot, ket dakayo, sagdudua gasot kayto: ni don Crisostomo, baknang.
—¡Mayatkami! —kinuna m Bruno; —yegmo ta kuarta.
—¡Ammukon ket a maingelkay met a kas di ama yo!
¡Umaykay ditoy, tapno saan datay a inangngcg dagita nay nangpapatay kenkuana! —kinuna ni Lucas a, intuduna dagiti sibil.
Ket inpanna ida iti maysa a sub, sana kinuna idi madatnana a bilbilangen ti pirak:
—Inton bigat, sumangpet ni don Crisostomo, ket mangikuyog iti igam; inton maikadua a rabii, inton nganngani agpatit ti maikawalo nga uras, inkay idiay kampo-santo ket ibagakto kada kayo dagiti maudi a bilbilinna. Adda kanitoyo a sumapol iti kadua.
Nagsisinada. Dagiti dua nga agkabsat kas dala nagsinnukat iti langa: ni Tarsilo sitatalna, ni Bruno sibebessag.
