turay ti timckna, ta iso, ni dunia Victorina naipapilit a naglisi
ket isuna la a nakunana:
—¡Kitaem dayta nuang a kutsero! ¡lbagak ken apona a sursuruanna a nalaing dagiti ubbingna.
—¡Agawidtan! —inbilinna iti asawana.
Toy, ta mabuteng a bumtak ti sal-it, inbaliktadna ti sarukodna, ket tinungpalna ti bilin.
Nasabatda ti alperes, nagkinnablaawda, ket daydi ninayunanna manen ti luksaw ni dunia Victorina: daydi soldado saan la a dina pinadayawan a siniddaaw ti aruatna, ngem ngannganina pay in.imiris a silalais.
—Sika dika kuma rebbeng a yawat ti imam iti maysa la nga alperes, —kinunana iti asawana, idi nakaadayo daydi soldado; —iso, apaman la ta sinagidna ti kapasetena, ket sika inka ket inikkat ti kallugongmon; saanmo nga ammo nga ilalaen ti nangato a galad mo.
—¡I . . .iso ti agturay ditoy!
—¿Ket, ania ti bibiang ta? I Indio ta aya?
— ¡Pudno ti saom! —insungbatna, ta dina kayat ti makisubang.
Limmabasda iti sango ti balay ti alperes. Ni dunia Consolacion adda iti tawa, kas kadawyan, nakabado iti pranela ket agtabtabako. Gapo ta nababa ti balay, nagkinnitada, ket ni dunia Victorina inna nabigbig a nalaing: ti Musa ti Guardia Sibil inna inam-amiris a sitatalna manipod saka inggana ulo, ket iti kalpasanna, limmibbi, sa timmupra, sana intaliaw ti rupana iti sabali. Iso luyen ti nangibos iti anos ni dunia Victorina, binayanna ni asawana nga awan sadagna, napan nagtakder iti sango ti alperesa, nga agtigtigerger iti pungtot, ket saan a makasao. Ni dunia Consolacion inin-inayadna nga intaliaw ti ulona, inamirisna manen a sitatalna, sa timmupra a nakarkaro manen ti laisna.
—¿Ania ti makuam, dunia? —sinaludsudna.
—¿Mabalinmo nga ibaga kaniak, siniura, no ania ti gapona a kasta ti panangkitam kaniak? dUmapalka? —nakuna ni dunia Victorina idi agangay.
—¿Siak, siak ti umapal, siak, ket sika ti apalak? —kinuna ti
Medusa, a kasta unay a laisna; — ¡wen! ¡apalak man dagita pakpakulotmo!
