—¡Ngem, ba . . . baket, dket dagiti guardia ngay? ¡pilayak!
—Karitem a kakabil iti pinnaltog wenno sinnable, wenno saan ... no saan. . . .
Ket ni dunia Victorina inna kinita dagiti ngipngipenna.
—Ita, uray kaano man diak pay nakaiggem iti ... .
Ni dunia Victorina dina pinatu'.oy ti saona, iti maysa a naindaklan a garaw, inna inikkat dagiti ngipngipen ni asawana iti tengnga ti dalan ket inna ida inbaddebaddek Simmangpetda iti balay, ni don Tiburcio a makasangsangit, ket ni dunia Victorina kasta unay a pungtotna. Iti daydi a kanito, ni Linares adda a makisarsarita kada Maria Clara, Sinang ken Victoria, ket agsipod ta awan nadamdamagna maipanggep iti naaramid, saan a bassit ti danagna idi inna nakita dagiti kakasinsinna. Ni Maria Clara, nga adda a siidda a sisasadag iti maysa a dakkel a tugaw a nalawlaw kadagiti pungpungan ken ul-ules, saan a bassit a siddaawna idi nakitana ti baro a langa ti doktorina.
—¡Primo, —kinuna ni dunia Victorina, —ita met laeng, inka kariten a kakabil ti alperes, ket no saan
—¿Ket, apay? —sinaludsod ni Linares, a nasdaawan.
—Inka kariten ita met laeng, wenno saan, ibagak kadakuada amin ditoy no siasinnoka.
—¡Ngem, dunia Victorina!
Dagiti tallo nga aggiina nagkikinnitada.
¿Patiem? jTi alperes nagsasawannakami ket inbagana no siasinno ka! Daytay baket a bruja immulog a si-iggem iti pagbaot, ket ni daytoy, ni daytoy, nayat latta a pinagsasawanda . . . ¡ket maysa a lalaki!
—¡Ni! —kinuna ni Sinang, jnagkakabilda gayam ket saan mi ida a nakita!
—¡Ni alperes tinumtumekna dagiti ngipngipen ti doktor —innayon ni Victorina.
—Ita met laeng, inkam sadi Manila; sika, mabatika ditoy a makikabil kenkuana, ket no saan, ibagak ken don Santiago nga ulbod amin a inbagbagam kenkuana, kunak a . . .
—¡Ngem, dunia Victorina, dunia Victorina! —ingguped ni Linares, a sibebessag, ket immasideg kenkuana, —agtalnakayo! dikay kad ipalpalagip kaniak . . . —sana innayon iti nainayad:
—Agannadkay kadi a, ita pay met ket ngarod.
