Maysa nga ulimek a makasipar ti immappayaw iti bayat ti nabiit a kanito. Idi kuan, ni Ibarra nabalinanna met la ti immaddang ket kinunana a sipipigerger:
—Sangsangpctko ket immayak a nagtartaray a umay kumita kenka ... Masarakak a naim-imbagka ngem ti innak inpagarop.
Ni Maria Clara kasla ket nagbalincn a umel; awan uray la no maysa a sao a nabalikasria, ket dina inlisi dagiti matmatana a sikikita iti baba
Ni Ibarra, kinitana ni Linares manipod saka inggana’t ulo, ket daydi managbabain a bumaro kinitana met a sitatangsit.
—Ala, makitak a ti isasangpetko saan a maur-uray, kinuna na si sibabannayat; —Maria pammakawanam ta saannak a pinaipakdaar; iti sabali nga aldaw mabalinkunto nga ilawlawag kenka ti inaramid ko . . . . agkitatanto pay met laeng . . . saan a maduadua.
Dagitoy naudi a sasao napakuyuganda iti maysa nga ikikita ken Linares. Daydi balasang intangadna kenkuana dagiti nalibnos a matmatana, a sipupunno iti tarnaw ken liday, kasta unay a igagawwawada, ingget sam-it ti kayatda nga ibaga, ta ni Ibarra nagmayeng man, a dina ammo ti inna aramiden.
—¿Mabalinkunto ti umay no bigat?
—Ammumon a siak kanayon a sitatarigagayak iti yaaymo, —apaman lata naisungbatna.
Ni Ibarra immadayo, a kasla sitatalna iti ruar, ngem ti ulona napunno iti dawel ket ti pusona iti lamiis. Ti kalkalpasna a nakita ken narikna, saan a maawatan: dania daydi, duadua, kimmupas nga ayat, gulib?
—¡O, babai ngamin ket! —indayamudumna.
Dimteng, a dina ket napupuutan, iti disso a pakaibangbangunan ti pagadalan. Ado ti naaramiden; ni Nior Juan, a siiggem iti metro ken plomadana agapan-apan iti yan dagiti ado nga agar-aramid. Idi inna nakita, nagtaray a napan simmabat kenkuana.
—Don Crisostomo, —kinunana —addakay met la gayamen; dakam amin ur-urayendakayo; kitaenyo no kasano ti nakabiti; adda maysa a metro ken sangapulo a sentimetro a tayagnan; iti uneg ti dua nga aldaw, addanto sangkataon. Awan inawatko a kayo no di bin ig a sagat, dungon, ipil, yakal; dimmawatak iti
