tindalo, malatapay saleng ken narra. ¿Kayatyo a kitaen dagiti
nakalian iti uncg ti daga?
Dagiti agar-aramid siraraemda a manglugay kenkuana.
—Adtoy ti maysa a kali nga inturedko nga innayon, —kinuna ni Nior Juan; —dagitoy a kalkali iti uneg ti daga agtungpalda iti maysa a yan a pakaummunganto ti danom, nga adda iti maysa a tallo pulo nga aksaw. Agpaayto a pangganagan iti minuyungan; awan iti plano. ¿Diyo kayat?
—Saanman, anamungak, ket kablaawankayo gapo iti dayta a napanunutyo; arkitekto kay a pudpudno; ¿asinno ti nagadalanyo?
—Siak, apo, insungbat daydi lakay, a siaalumamay.
—¡A! ania ta malipatak; rebbeng nga ammuen dagiti managduadua (ania ta adda ket mabuteng a makisao kaniak) a saanakon a eskomulgado; ti Arsobispo inawisnak a kinalanglang a nangan.
—¡Ni! apo, dikam italtalek dagita es-eskomunion! Datay a ¿imin eskomulgado tayo; ni pay Padre Darnaso, eskomulgado met, ket nupay kasta, nalukmeg met laeng.
Ania?
—Wen, apo; makatawen itan a minaluna ti Coadjutor iti baston, ket ti koadjutor, padi met a kas kenkuana. d’Asinno kad met ti mamatpati kadagiti es-eskomunion, apo?
Ni Ibarra nasirpatna ni Elias a nailaok kadagiti agar-aramid, toy inna met linugayan a kas dagiti dadduma, ngem iti daydi ikikitana inpaawatna nga adda kayatna nga ibaga.
—Nior Juan, —kinuna ni Ibarra; —dkayatyo a yeg ti lista dagiti agar-aramid?
Ni Nior Juan nagpukaw, ket nt Ibarra immasideg ken Elias, iso a mangbagbagkat a maymaysa iti dakkel a bato nga ilugluganna iti karison.
—No mabalindak a ipaayan, apo, iti sumagmamano nga uras a intay panagsarita, inkayto kuma no malem idiay igid ti danaw, ket lumugankayto iti maysa a bangka, ta addada nasken unay a banbanag a innak kadakayo isarita, —kinuna ni Elias, a immadayo idi nalpasna a nakita ti garaw ti ulo daydi bumaro.
Ni Nior Juan intedna ti lista, ngem nagbanbannog la ni
Ibarra a nangbasa: ti nagan ni Elias awan.
