Idi saan pay a limnek ti init, limmuganen ni Ibarra iti Bangka ni Elias, nga adda iti igid ti danaw. Daydi bumaro kasla nadagsen ti nakenma.
—Pakawanenyo, apo, —kinuna ni Elias a sililiday, idi inna nakita; —pakawanenyo ti tured ko a nangawis kadakayo; kayatkay a kasarita iti nawaya, ket ditoy awanto ti saksi tayo: iti uncg ti maysa nga liras, mabalintayto ti agsubli.
—Maallilawkayo, gayyem Elias, —insungbat ni Ibarra, nga inkagumaanna ti immisem; —masapol a ituluddak iti daydiay ili a makitkita ti pagkampanaanna manipod ditoy. Ni dakes a gasat iso ti mamilit kaniak iti kasta.
—¿Ni dakes a gasat?
—Wen; ta itay umayak, nasarakak ti alperes, nga agpilit latta nga umay mangkuyog kaniak; siak, ta silalagipak kadakayo ket ammok nga am-ammunakayo, tapno innak mapaadayo, inbagak kenkuana nga innak iti daydiay a ili, ket agmalmalemak sadiay no bigat, ta iso kayatnak a saraken no malem no bigat .
—Pagyamanak kadakayo ti ayatyo, ngem inbagayo kuma kenkuana a kumuyog latta kadakayo, —insungbat ni Elias, a kas kadawyan.
—¿Ania? ¿ket dakayon?
—Saannak kuma a nailasin, ta iti daydi kakaisuna a pannakakitana kaniak, dina nasango ti nangtandaan iti langak.
—¡Nagbuisitakon! —inyasog ni Ibarra, ta nalagipna ni Maria Clara. —dAnia ti kayatyo nga ibaga?
Ni Elias kinitana ti lawlawda. Adayudan iti igid, ti init limnekcn, ket agsipod ta kadagidiay a disdisso, ti lawag no makalneken ti init, apaman la no agbayag, ti sipnget mangrugi nga agsaknapen ket inna met paraniagenen ti bulan nga adda iti kabosna.
