—Apo, —nisungbat ni Elias, a timekna ti siraranga, —binaundak a umay mangidanon kadakayo kadagiti kalkalikagom dagiti ado a daksanggasat.
¿Dagiti daksanggasat? dAnia ti kayatyo a sawen?
Ni Elias sinaritana iti bassit a sao ti nagsawanna ida iti pangulo dagiti tutulisan, a dina ket inbagbaga dagiti duaduana ken dagiti pay pangam-amesna. Ni Ibarra, sipapasnek a dimngeg ket idi nalpas ni Elias ti saona, nagari ti nabayag a ulirnek, ulimek a ni Ibarra iso ti immuna a nangguped.
—¿No kasta, kalikagumanda ti . . .
—Ti pannakabalbaliw a maminpinsan ti kasasaad ken panagiyan dagiti sosoldado, dagiti praile, dagiti pangpangukuman, nalawlawag a pannao, dawatenda ti maysa a naamaan a ikikita ti Turay.
—¿Pannakabalbaliw, a kasano?
—Kas pagarigan; adda a pannakaipateg ti galad ti kinatao, adadda a panagraem iti talingenngen ti maysa a tao pannakapaksay ti bileg a naited kadagiti sosoldado, dagiti sagsagudayda, ta nalaka da unay nga agpalalo.
—Elias, —insungbat daydi bumaro, —diak ammo no siasinno kayo, ngem, atapek a saan kay a kasta-kasta a tao; nailanglangitan dagiti panpanunot ken ar-aramidyo kadagiti dadduma. Dakayo indak maawatan, no kunak a numan pay adda dakes iti agdama a kasasaad, dakdakesto manen no masukatan. No inna ida bayadan, mabalinko a pagsawen dagiti gagayyem ko sadi Madrid, mabalinko a kasao ti Kapitan Jeneral, ngem dagidiay awanto ti inda magun-od, ket toy awanan met iti umanay a pannakabalin a mangipastrek kadagita babbaro a banbanag, ket siak diakto met kayat ida a kasarita maipanggep iti dayta, ta maawatak a nalaing unay, a no pudno man nga adda dakes iti agdama a kasasaad ken panagyan dagiti solsoldado ken dagiti praile, ita, isuda inda masapol, isuda ti kuna a dakes a masapol.
Ni Elias, a nasdaawan unay ingngatuna ti ulona ket kinitana, a kas la natalimpungaw, daydi bumaro.
—¿Mamatikay met, apo, iti dakes a masapol? —sinaludsudna, a mamigpigerger sangkabassit ti timekna; —¿patienyo a no kayat ti agaramid iti imbag, masapol met ti agaramid iti dakes?
—Saan; mamatiak iti dakes a masapol a kas maysa a napigsa
a pamuspusan nga aramaten, no kayat nga agasan ti maysa a
