toy pudno a masansan a dadakkelda, ngem manmano da, ket
mabalin ti sumaranget kadakuada a mangisakit iti biang; kadagiti lablabes nga ar-aramiden dagiti sosoldado, saan a maipalubos uray ti la isusupiat, ket no saan da man unay a dadakkel,
kanayunda ket di a maar-aramid ket maipalugudda met. ¿Ania
ti pinataod ti Guardia Sibil iti biag dagiti pagpagiliantayo?
Pasardcngenna ti panaggaallatiw kadagiti sabsabali a disdisso, a
ta amin a tao mabuteng nga aglak-am iti dusa a gapo kadagiti
awan pategna a banbanag; adadda a makita ti rabaw ngem ti uneg, iso nga umuna a mangipakita iti kinaawan ti kabaelan: gapo
ta nalipatanna ti cedula na, ti tao mareppet ket makabkabil, uray
pay no maysa a natakneng ken madaydayaw iti pagilian; dagiti
pangpangulo ti Guardia Sibil kunada a ti umuna nga annongda
iso ti panangpilitda iti tao a .manglugay kadakuada, uray no
kasipngetan ti rabii, iso a tuladen met dagiti sosoldadoda a panggapuanda a mangkabkabil ken mangala iti kukua dagiti taga taltalon, ket saan nga agkurang ti pambarda; awan pateg ti maysa
a balay: itay nabiit, sadi Kalamba, inulida a nagnada iti tawa, ti
balay ti maysa a natalingenngen a umili, iso a nakautangan ti
turayenda iti pirak ken naimbag a nakem; awan salindeg ti tao:
no masapulda a dalusan ti kuartel wenno ti balayda, rumuarda ket inda tiliwen amin a tao a dina ammo ti sumupiat, ket
inda pagbannugen nga agmalmalem; dkayatyo pay? iti bayat
dagiti al-aldaw ti piesta, nagtaginayon dagiti sugsugal a maiparit, ngem inda siningsinga iti ninunuang nga aramid dagiti ragragsak a inpalubos ti Turay; nakitayo no ania ti kuna idi ti Ili
kadakuada, ¿ania ti naal-alana idi inyedsuna ti pungtotna ket
nanginanama iti linteg dagiti tattao? ¡Ay, apo, no dayta ti
naganenyo a panangsalindeg iti urnos.... !
—Umannugutak nga adda dakes, —insungbat ni Ibarra, — ngem, annugutentay kuma toy a dakes gapo iti imbag a ikuyugna. Ti Guardia Sibil mabalin a saan a nasayaat, ngem patienyo, iso ti manglapped a umado ti bilang dagiti agdakdakes a tattao a gapo iti butengda kenkuana.
—Naim-imbag no kunayo a gapo itoy a buteng, umado ti bilangda, —kinuna ni Elias. —Idi awan pay Guardia Sibil, istay
amin dagidi tutulisan idi, malaksid dagiti sumagmamano a bassit unay, nagtulisanda gapo iti bisin; agarang ket agtakawda tapno agbiagda. ngem no mapalabas ti kakisangen, dagiti daldalan
