kuman kaykayattay ti pigsa ti takiag ngem ti naimbag a nakem,
rebbengtay kuma a kitaen a nalaing ti intay pangtedan iti dayta a bilcg a di makedkedngan, iti dayta a pannakabalin. Ti
nalabes a bilcg iti ima dagiti tattao, sa ket tattao nga awanan
ammo, napnuan iti dakes a rikna, awanan iti naimbag a sursuro,
awanan dayaw, agbalin a igam iti ima ti maysa nga agmauyong
iti yan dagiti ado a tattao nga awanan pagsarapa. Annugutek,
ket kayakto a patien a kas kadakayo, a ti Turay masapulna
toy takiag; pilienna kuma ngarod, a nalaing dayta a takiag, pilienna kuma dagiti adadda a maikari; ket tangay kaykayatna
nga iso met lacng ti mangted kenkuana iti bileg ti turayna, a
di ket ti Ili ti mangted kenkuana, ipakitana kuma, ngarod, nga
ammuna nga ited.
Ni Elias sipapasnek unay ti inna panagsao; dagiti matmatana sumilsilapda ket ti timekna kasta unay a bangeg ti awengna. Simmaruno ti maysa a naindaklan a ulimek; ti bangka, a saan a pagkutkutien ti gaod, kas la itay sitatalna iti rabaw ti danom; ti bulan kasta unay nagngayed ti panagraniagna iti maysa a langit a kasta met unay ti kinadalosna; addada sumagmamano a silsilaw a makita iti adayo, iti igid.
—¿Ket, ania pay ti dawaten da? —sinaludsod ni Ibarra.
—Ti pannakabalbaliw ti agdama a kasasaad dagiti papadi,— insungbat ni Elias, a timekna ti nakapoy ken naliday; —dagiti daksanggasat dawatenda ti pannaka'kaluya da kadagiti . . .
—¿Kadagiti praile?
Kadagiti mangimammameg kadakuada, apo.
—¿Nalipatan ngatan aya ti Pilipinas ti utangna kadagiti praile? ¿nalipatanna ngatan aya ti di man gnibi nga utangna a naimbag a nakem kadagiti nangaon kenkuana iti riro ken nangted kenkuana iti pammati. kadagiti nangisakit kenkuana ¡Dayta man ti pagiti kinaranggas dagiti agturturay idi? daksan ti saan a pannakaisuro ti Pakasaritaan ti Daga a nakayanakan!
Ni Elias, a tiasdaawan, apaman la ta pinatina ti inna nangngeg.
—Apo, insungbatna, a timek na ti nadeggang; —idarumyo ti ili a naulpit, dina ammo ti agyaman; ipalubusyo kadi, a siak,
maysa nga anak ti Ili nga agsagsagaba, innak isakit. Dagiti naimbag nga ar-aramid, tapno adda kalinteganda a mabigbig, ma-
