watan no ania ti napudpudno a gapona. Ni Fr. Damaso indarumna a saan nga agkonkonpesar; uray idi kua, di met agkonkonpesar, ket nupay kasta, aggagayyemda unay, kas malagipyo pay
la ngata. Maysa pay, daydi don Rafael, tao a natakneng unay
ket nalinlinteg ngem ado a mangonkonpesar ken agkonkonpesar:
adda alagadenna a naiget unay iti panagkukuana, ket masansan
a kunkunana kaniak no masarsaritana dagidi a guranggura:
“Apo Guevara, dpatienyo a ti Dios pakawanenna ti maysa a basol
ti panangpapatay iti padana a tao, kas pagarigan, no inna ibagan iti
maysa a padi, padi a tao met, iso nga annongna a salimetmetan
ti palimed, ken no inna kabuteng ti mapan makset sadi inpierno,
nga iso ti kunada nga acto de atricion? Abos man pay ta maysa
a kinatakrot, ipakitana ti kina-awan a bain! Sabali ti pamanunutak iti Dios”, kunkunana; “kaniak, saan a matarimaan ti maysa
a dakes, no dakes met la ti aramaten, saan met a mapakawan ti
basol kadagiti barengbareng a panaginsasangit, wenno kadagiti
ilimlimos iti Simbaan.” Sana isaruno toy a pangngarigan: “no
siak, pimmatayak iti maysa nga ama, no pinagbalinko ti maysa
a babai a maysa a balo a daksanggasat, ket pinagbalinko dagiti
naragsak nga ububbing nga awanan saranay a ul-ulila, ?masupapakak kadin aya ti agnanayon a kinalinteg, no itulukko ti
bagik a pabitay, italekko ti palimed iti maysa a tao a mangsalimetmet, no mangtedak iti limos kadagiti kukura, nga isuda ti
adadda a di makasapol iti limos, no gumatangak iti btda de omposision, wenno aginsasangitak iti kanayon a rabii ken aldaw?
Ket ti balo ngay ken dagiti ul-ulila? Ti nakem ko kunana ka
niak a rebbengko a sandian iti ingga ti kabaelak ti tao nga innak
pinapatay, rebbengko nga ipaay ti amin ko ken iti bayat ti panagbiagko, iti paglaingan dayta sanga-inaan a ti kinadaksanggasatda siak ti akinggapuan, ket agpapan pay kasta, agpapan pay,
?asinno ti makasandi iti ayat ken dungngo ti maysa nga asawa
ken maysa nga ama?” Kasta ti panagpanpanunot daydi dakkel
yo, ket inyannatupna ti panagkukuana iti daytoy naiget nga ala-
gaden, ket mabalin a kunaen nga awan uray kaano ti inna rinanggasan; ngem inna ket inkagumaan a pinunpunas, babaen dagiti naimbag nga ar-aramidna, dagiti kunana a di tumutop iti Linteg
a naar-aramid dagidi appoyo a lallakay. Ngem subliantay dagiti guranggurada ken Padre Damaso, guranggura a rimmaba; ni Padre Damaso 'nna sasairen manipod iti pulpito ket no
-27-
