sapol nga awan inda gamgaman a supapak. Bay-antayon ti nakaibaunanda ditoy, bay-antayon ti caridad cristiana (nakristianuan
nga ayat), a kasta unay a pannakagamgamulona; ditay bianganen ti Pakasaritaau, ditay saludsudencn no ania ti aramid ti
Espania iti ili a judio, a nangted iti amin ti Europa iti roaysa a
pagbasaan, maysa a relijion ken maysa a Dios; no ania ti inaramidna iti ili nga arabe, a nangted kenkuana iti sursuro, nangipalugod kenkuana iti relijionna, ken nangriing iti panagayat iti
bukod a pagilian, panagayat, a napaturog, istay napukaw iti bayat
ti panangituray kenkuana dagiti romano ken godo. Kunayo nga
indatay inikkan iti pammati, ket indatay inaon iti riro; Pnaganenyo iti pammati dagita maipabpabuya nga ar-aramid, naganenyo iti relijion dayta panaglaklako iti sintas kada karmen, naganenyo iti pudno dagita milmilagro kada sarsarita a mangmangngegtay iti patinayon nga aldaw? ¿Iso dayta ti linteg ni Apo Jesukristo? Iti dayta, saan a nasapol a immay ditoy ti Dios a pinaipadeppa, ket saan met a masapol a intay mautang iti naimbag a
nakem iti inggana iti inggana: ti pammati a riro maipanggep
iti relijion adda dituyen idi adayo pay a umayda, isuna la a kurangna ti pannakapasayaat na ken ti pannakaipangato ti pateg ti
tagilako. Kunayo ngat-a kaniak a nupay kasano a kinadakes ti
relijion tay ita, nasaysaya-at ngem daydi relijion tay idi patiek ket
umannamungak met, ngem napalalo a nagngina, piman ta gapo
iti dayta a relijion, intay inwaksf ti Ili tayo, ti panagwaywayas
tayo ti wayawaya tayo; gapo iti dayta a relijion, intay inted kadagiti papadina dagiti kasasayaatan a pagpagiliantayo, dagiti
taitalon tayo ket intay pay la it-ited dagiti ur-urnongtayo, babaen ti intay panaggatang kadagiti banbanag a maipapan iti reli
jion. Nayeg ditoy ti maysa a tagilako nga aramidda sadi sabali
a daga, bayadantay a nalaing, ket agbiagtay pimanen a sitatalingenngen. No inkay ibaga kaniak daydi panangisakit da kadatao kadagidi enkomendero, mabalinkay a sungbatan a gapo kadakuada, intay natnag iti turay dagidi nga enkomendero; ngem
saan, bigbigek a maysa a pammati a pudpudno ken maysa nga ayat
a pudpudno iti tao ti nangidalan kadagidi immuna a misionero
nga immay ditoy; bigbigek ti utang tay a naimbag a nakem ka
dagidi natakneng a puspuso; ammok a daydi Espania idi, aduan
kadagiti naglallalaki iti amin a banag, iti relijion, iti politika, iti
panagtaripato kadagiti il-ili ken iti pay kinasoldado. ¿Ngem gapo
