ta nasingpet dagidi inauna, dintay anamungancn dagiti lablabes
ken palpalalo dagiti dakes a simmuno kadakuada? ¿gapo ta adda inaramidda kadatayo a maysa nga imbag a dakkel, makabasultayon, no intay tubngaren ti aramidda a dakes?
Ti
Ili saanna a dawaten ti maminpinsan a pannakapukawda, isuna
laeng a dawatenna ti pannakabalbaliw ti kasasaadda, pannakabal-
baliw a sapulen dagiti babbaro a kaskasa-saad ken babbaro a
pakasapsapulan.
—Ayatek met ti Ili tayo a kas panagayatyo, Elias; maawatak bassit ti kalikagumanna, dinengngegko a sipapasnek ti sinaoyo, ket nupay kasta, gayyem ko unay, kunak a iti intay panagkita adda sangkabassit a dakes a rikna a naibaled kadagiti matmata tayo iti panagkunak, datay diloy ti saan unay a makasapol iti pannakabalbaliw dagiti agdama a kaskasasaad.
—¿Mabalin ngata, apo? —sinaludsod ni Elias, ket inwayatna dagiti im-imana, a nakem nan ti kimmapoy; —saan yo a makita a masapol ti pannakabalbaliw dagiti agdama a kaskasasaad, dakayo a naparparigat dagidi nagan annak kadakayo? . . .
—¡A, lipatek ti bagik, lipatek dagiti bukodko a sensennaayen iti sango ti salindeg ti Pilipinas, iti sango ti pagimbagan ti Espania! —insungbat a sidadaras ni Ibarra. —Tapno mataginayon ti Pilipinas, masapol nga agtaginayon dagiti praile, kas ita, ket iti pannakitiponna iti Espania iso ti yan ti pagimbagan ti Ili tayo.
Nalpas ni Ibarra ti saonan, ngem ni Elias si-aallingag pay laeng; ti rupana sililiday, dagiti matmatana napukawda ti raniagda.
—Dagidi misionero isuda ti nakaparmek iti Hi, pudno, —insungbatna; —patienyo a mataginayunto ti Pilipinas a gapo kadagiti praile?
—Wen, gapo laeng kadakuada, kasta ti kuna amin dagiti nagsursurat maipapan iti Pilipinas.
—¡O! —inyasog ni Elias ket indissuna ti gaod iti uneg ti bangka, a kimmapuyen ti nakemna; —diak inpagarop a kasta ti kinapanglaw ti inkay pamanpanunutan iti Turay ken iti Hi. <! Apay a diyo paidan ida nga agpadpada? ania ngata ti makunayo iti maysa a balay nga isuna la nga agbiag a sitatalna gapo ta biangan ti sabali? !Maysa nga Hi nga agtungpal gapo ta maallilaw, ti maysa a Turay nga agbilin gapo ta aramatenna ni allilaw,
maysa a Turay a dina ammo ti aramidenna tapno inda aya-
