ten ken pagraeman! jPamakawananyo, apo, ngem kunak a
dayta a Turay, ang-ang, ket papatayenna ti bagina met laeng, no
maragsakan a kasta ti maipagarop! ¿Agyamanak unay iti ayatyo, ¿adinno ti kayatyo a pangituludak kadakay ita?
—Saan, —kinuna ni Ibarra; —lawlawagantayo daytoy: — masapol nga amuen no asinno ti pudno ti saona kadatayo maipanggep itoy napateg unay a banag.
Pamakawananyo, apo, —insungbat ni Elias, a inwingiwingna ti ulona; —awanannak iti kabaelan a manguyot kadakayo; numan pay nagadalak bassit, maysaak la nga indio, ti biagko, ka dakayo, maduadua, ket dagiti sasaok naka-aatapdanto laeng ka dakayo. Dagiti nagkunkuna iti maikanniwas ti saok, kakastila da, ket gapo ta kasta, uray no inaang-ang ken awan pateg dagiti inda ibagbaga, ti timek a pangyebkasda, ti takem ken ti nagtaudanda isuda ti mangted iti pateg dagiti sasaoda, isuda ti mangted iti bilegda, ket siak diak gamgamen a salungasingen ida iti uray inton kaano. Maysa pay, no innak makita a dakayo, dakayo a mangayat iti Iliyo, dakayo, a daydi amayo adda nga agin-inana iti babaen dagitoy natalna a daldalluyong, dakayo, a kinarit, nagsasawan ken kinamkamatda, inkay taginayunen ti kasta a panagpanpanunot, uray kasano a namayanda kadakayo ket uray kasano met ti adda nga adalyo, mangrugi a pagduaduaak ti bukodko a panunot ket annugutek a mabalin a ti Hi iso ti maallilaw. Innak, ngad, ibaga kadagiti daksanggasat a nangisaad iti inanamada kadagiti tattao, a ni Apo Mugna, wenno kadagiti taktakiagda ti inda panginanamaan. Ulitak ti agyaman kadakayo ket ibilinyo no adinno ti innak kadakay pangitulnugan.
—Elias, dagita napait a sasaoyo dumanunda iti pusok, ket indak met pagduaduaen. ¿Ania ti kayatyo? Saannak a nagadal iti let-ang ti Ili, a dagiti masapsapolna nalabit a diak ida ammo; pinalabasko ti kinaubingko iti kolejio dagiti jesuita, dimmakkelak sadi Europa, nasukugak kadagiti pagpagbasaan ket isuna la nga innak nabasa ti inparuar dagiti tattao: ti adda iti yuyeng ni sipnget, ti saan a ibaga dagiti nagsursurat kadagiti pagpagbasa an, dayta, saanko nga ammo. Nupay kasta, ayatek, a kas kadaka yo, ti Daga a nakayanakan, saan laeng a gapo ta annong amin a tao nga ayaten ti Daga a nakautanganna iti biagna ken pakautangannanto pay ngata nalabit iti maudi a taengna; saan laeng
a gapu ta kasta ti insuro kaniak daydi annak, no di pay ket gapu
