ta daydi inak, maysa nga india, ken gapo ta amin dagiti kalilibnusan a laglagipko addada a sibibiag kenkuana; jayatek pay,
ta iso ti pakautangak ket iso ti pakautangakto iti nam-ay ken
gasatko!
—Ket siak, gapo ta iso ti nakautangak iti kinadaksanggasatko, —indayamudom ni Elias.
Wen, gayyem ko unay, ammok nga agtutuukkayo, ammok a daksanggasatkayo, ket iso daytoy ti mangpakudrep iti panagkitayo iti kasakbayan ket iso ti mangted kadagita a panpanunotyo; iso ti gapona a kasla agduaduaak bassit a dumngeg kadagiti as-asogyo. No kuman innak matimbang dagiti gapgapona, sangkabassit a paset ti nalabes . . .
—Ti kinadaksanggasat ko, sabali ti puon ken gapona; no ku man ammok nga adda pagpaayanna kadakayo, innak kuma kadakay saritaen, ta abos man pay a diak ilimlimed, aduda dagiti makaam-ammo.
—Nalabit ti innak kadakuada pannakaammo balbaliwanna ti panunotko; ammuyo a diak unay agtalek kadagiti sasao, adadda a paibagnusak kadagiti ar-aramid.
Ni Elias nagpanunot iti nabiit a kanito.
—No kasta, apo, —insungbatna, —mnak kadakay saritaen ti
ababa a pakasaritaan ti biagko.
